事主提醒街坊，買水果要「睇真D」和「小心揀」。
街市不少生果檔都會將水果疊起，一份份擺賣，不少人看見「幾靚」就會買，但原來「眼見未為真」。近日有荃灣街坊到大窩口街市生果檔購買了一份布冧，回家後始發現「中伏」，其中一個布冧已經腐爛，事主質疑店方以「層層疊」式放水果，將腐爛的布冧倒轉疊在最底，令顧客不易察覺，批評做生意手法不當，提醒其他街坊小心。
網上圖片
有街坊分享類似中伏經歷。 「荃灣 大窩口邨 葵涌邨」FB圖
事主於在Facebook群組「荃灣 大窩口邨 葵涌邨」發帖分享經歷，指早前光顧大窩口街市一個生果檔，店員不斷游說「話水果好靚、好甜、好多人買」，事主便付款購入一份「恐龍蛋」布冧。然而，回家後才發現其中一個布冧已經爛掉，底部果皮破裂，果肉變軟明顯腐爛，已無法進食。
從圖片可見，涉事生果檔以層疊式擺放水果，當中「恐龍蛋」布冧每份5個售20元，價錢牌上寫有「免揀」字眼。
有街坊分享類似中伏經歷。 「荃灣 大窩口邨 葵涌邨」FB圖
事主翌日再到涉事生果檔投訴，更向店員展示爛水果的相片，店員看過照片後，問「有幾多個爛？」，然後為事主更換另一個作補償。事主提醒街坊，買水果要「睇真D」和「小心揀」。
貼文一出引起網民熱議，不少人批評檔口做法，亦街坊指曾有過類中伏經歷。一名街坊稱，早前亦曾於同一街市買到爛蜜瓜，水果檔故意用卡紙遮住腐爛部分，買了回家才發現，另有街坊指，日前同樣在大窩口街市生果檔買到「黑心蘋果」。
街坊斥街市生果檔蠱惑， 爛布冧倒轉藏最底。「荃灣 大窩口邨 葵涌邨」FB圖
資料來源：「荃灣 大窩口邨 葵涌邨」FB
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
