婉拒葉劉提議指應搵發哥籲打疫苗 AK謙稱MIRROR未夠實力到內地搵銀

謙虛。

MIRROR今日出席歐國盃記者會，隊長Lokman因拍劇缺席。眾成員前晚才完成6場演唱會，Anson Kong（江𤒹生、AK）透露完騷後在公司的慶功宴狂食嘢；Anson Lo緊接在演唱會後翌日清晨6時開工，足足「On call 36小時」！AK、Jer（柳應廷）及Alton（王智德）均有踢開波，Jer雀躍表示：「如果MIRROR分成兩隊踢比賽，一定好有火花！」

剛完成6場演唱會的MIRROR繼續開工。

對足球零接觸的Jeremy（李駿傑）指要跟隊友惡補；AK也自言很久未睇波，對新球星不太熟悉。森美日前在演唱會大爆女兒是Edan（呂爵安）粉絲，更稱他為「女婿安」，當事人受寵若驚：「好開心多咗新花名，不過等佢大個啲先啦！哈哈！」至於Edan為母校港大拍攝的招生相被翻出，他表示是在學時所拍。

MIRROR及ERROR大玩遊戲，Jeremy（中）自言好少踢波。

此外，對於葉劉淑儀提議MIRROR及ERROR到內地參加綜藝節目，AK坦言：「MIRROR啱啱先成為本土樂壇一份子，希望先做好本份，工作暫時以本地為主。不過音樂無分國界同語言，等到MIRROR變得更強先衝出香港。」至於有人提議MIRROR可幫手呼籲巿民打疫苗，AK謙稱：「MIRROR係演藝界小薯，應該搵發哥先啱數！」

AK表示MIRROR仍未夠資格籲打疫苗及到外地上節目。

森美日前在MIRROR演唱會大爆女兒是Edan粉絲，更拎住對方Fans Club燈牌影相。

Edan

MIRROR出席歐國盃記者會。

12子坦誠公開自己的戀愛狀況。

現正於美加進行《MIRROR FEEL THE PASSION CONCERT TOUR 2024》巡迴演唱會的MIRROR，繼早前接受FOX電視台訪問外，12子亦接受了CNN主播Julia Chatterley的訪問，而有關訪問於今日（4月18日）香港早上時間在CNN International頻道中播出。

MIRROR接受CNN訪問。

MIRROR在受訪時除了介紹自己的出身，以及曲風等團隊資料外，他們亦回答了連串音樂以外的問題，其中Julia問道：「我唔問Fans唔會原諒我，你哋邊個拍緊拖？」Ian即搶先回應：「我哋有一個就快結婚喇！」12子聽到都拍掌和應，就連Julia聽到都尖叫，然後眾人的目光都放在Stanley身上。Stanley也乖乖的甜笑回答：「我有一段穩定嘅關係，係我入行前已經喺埋一齊。」然後Edan又代Julia問邊個而家單身，除了他自己以外，Jer、AK、Ian、姜濤、Alton、Anson Lo及Jeremy都齊齊舉手，十分坦誠公開自己的戀愛狀況。

大爆戀愛狀況！

其實在巡演之前，MIRROR亦曾接受權威音樂雜誌《Rolling Stone》的訪問，Julia十分睇好MIRROR，所以她特別帶來雜誌讓眾人簽名，同時亦有問及大家能夠登上雜誌的感受，Stanley即表示：「太驚喜了，係好唔真實嘅一件事。」

MIRROR亦分享了工作以外的生活。

除此之外，Julia亦有問到團員之間可有拗撬，Edan就回應道：「講真我哋冇乜拗撬，但有時我哋會有唔同嘅意見，例如嚟緊我哋會出乜嘢歌，跳舞想跳邊種Style，係討論嘅情況比較多。」而Tiger亦表示，他與Jeremy是隊友之間的橋樑，如果真有拗撬，就會充當和事佬，Jeremy亦指二人有時都會採取沉默的方式，以免火上加油。其實MIRROR 12子都有自己一個WhatsApp Group，當被問及誰最少在Group內回應，Stanley即大爆：「Jer！佢成日都唔覆Message。」就連Jer自己都承認，說：「我係會失蹤㗎！」談過戀愛狀況、溝通方式後，MIRROR眾人亦分享了工作以外的生活，其中AK表示：「唔使開工我會全日同隻狗猜柴一齊，玩足一日。」Edan分享道：「我哋有啲亦會打籃球、打機。」Alton亦說：「我會揸車，因為咁樣可以有一個好個人嘅空間。」

姜濤與Anson Lo期望跟Taylor Swift合作。

在推出過〈Rumours〉及最新派台〈Day 0〉兩首單曲後，MIRROR在海外有更多人認識，被問到想跟美國或英國哪位歌手合作，AK即自爆很愛Usher，而且更即場示愛，道：「Usher，希望可以同我哋合作啦！多謝你。」Stanley則揀Bruno Mars，他說：「佢唔單只唱得好，跳舞亦十分出色。」不少隊員如姜濤及Anson Lo都揀Taylor Swift，而Tiger則鍾情Band Sound，並說：「我想同Band合作，例如Bon Jovi，可以同一啲類似嘅Rock Band合作就好了。」