鐵馬家族合體為唐詩詠林子善慶生 陳凱琳揸機馬國明隔離中

好「齊人」啊。

唐詩詠與林子善兩位「鐵馬家族」成員，分別在5月3日和4月13日生日，所以這3年成員們都為二人一起慶祝。詩詠與子善今日各自社交網貼上昨晚的慶生照，詩詠留言：「My Family ❤ 已經第三年一起過 感恩沿途有你們 尋晚結論係 有事記住搵大嫂 一定幫到你」，大嫂就是大佬鄭嘉穎老婆陳凱琳（Grace）。

林子善解釋大嫂陳凱琳揸機；二哥馬明隔離中，和期待二嫂中，所以張相是「齊人」。

林子善的留言就清楚解釋為何大合照中不見Grace、二哥馬國明和二嫂湯洛雯，「多謝大哥又請食飯😘 幫我同妹補足生日 時間總係覺得唔夠😭 真想玩耐啲但唔得😔 因為要返去湊乖乖😜 唔使問大嫂喺邊佢係揸機人😘 唔使問二哥喺邊佢係隔離中🤣

詩詠貼上今年跟子善一齊慶祝。

唔使問二嫂喺邊大家期待中🤩 所以張相係齊人嘅🤣🤣🤣」。二哥馬明都有給子善的貼文送上3個心心臉圖案；大嫂Grace就話「好傾好玩，下次帶埋囡囡上嚟！」

去年

前年

林子善給阿妹詩詠的生日祝福。

詩詠的生日蛋糕。

鐵馬家放好友愛，連續3年給林子善和唐詩詠慶生。

唐詩詠離巢後發展都唔錯！

兩年前離巢TVB的唐詩詠日前接受雷霆881商業一台《星光背後》專訪，於節目中親解離巢原因，更認無悔離巢，之後更罕談感情事，坦言自己不善溝通。

《當四葉草碰上劍尖時》是唐詩詠首部擔任女主角的劇集

入行20年的唐詩詠2017年憑《不懂撒嬌的女人》首奪視后，之後詩詠就瘋狂拍劇直至合約到期，她指2015年已欲外闖，「15年那時還會恐懼，確實係2017年拎完獎之後，我內心有諗法，我同自己講40歲後我要諗清楚想做啲咩，係我為自己設嘅deadline，感覺到自己要時間休息。」又透露「我係好鍾意演戲，但再咁拍落去，覺得自己無突破，演嘅角色都差唔多。而生活上，已經拍到好攰。如果我想有得揀，我必須要有足夠積蓄，所以離開之前狂拍劇，計過自己半年沒工作都可以養家，金牛座需要有好好準備先去做決定。」幸運的是，離巢後即接到廣告和電影，唐詩詠說：「我發覺恐懼源於習慣，離開後我即時接了一個廣告，也拍了兩齣電影，有可觀的收入，亦有不同的嘗試。」

2017年憑《不懂撒嬌的女人》首奪視后

唐詩詠離巢後更有機會到孟加拉探訪受童婚影響的女孩家庭，旅程令她人生一百八十度轉變，她說﹕「孟加拉嗰啲女仔好偉大好想讀書為其他人，我反觀自己當年有書都唔讀，只係為咗掙更多錢，好多野都係為咗自己。當年金融風暴，經歷父母離異，遇過好多人上門拍門追債，果時我認為無錢就會有好多問題出現，父母亦唔會分開。」

孟加拉旅程令她人生一百八十度轉變

提到80歲父親，唐詩詠更感觸哽咽，「第一次同爸爸、哥哥去日本旅行，有一晚得返我同爸爸兩個人食飯，雖然大家無講咩特別話題，但嗰次先至好似同爸爸真正相處。」

詩詠離巢後把握時間旅行

至於感情路崎嶇的唐詩詠情多個對象都未能開花結果，她分析因由說：「當然有好多原因，對方的原因我唔會講，我自己過去都是因為太注重工作，乜都工作行先，當然都會照顧另一半，但其實我一直唔識溝通，除左最長果段感情，對方一觸碰我的底線，我就會走！過去拍拖，我最弱就係溝通，我唔識將自己唔開心同另一半分享，我以為唔講出嚟就無野，最後對方會覺得『點解你唔開心唔同我講？』」當年唐詩詠與洪永城因劇集《載得有情人》而交往，唐詩詠透露分手原因是男方承受著壓力，而她當時不懂保護對方，導致兩人分手。

於節目中大談感情經歷