她指吸收維他命D可紓緩腰背痛。
上周四,Dear Jane主音黃天翱(Tim)40歲生日,老婆楊洛婷安排特別驚喜,就係一家三口去staycation,生日夜仲攬住老婆一齊「食好西」,去得staycation,泳池玩水唔少得,懷孕8個月的黃太都有去曬太陽,當日靚相今日先曝光,上圍狂升Cup肚又好大,加埋件火紅三點式及海天一色靚景,非常適合晒大佢掛喺屋企。
楊洛婷去staycation賀老公生日。
生日Dinner。
黃太話:「游水係其中一樣最適合孕婦嘅運動。加上近來天氣熱,最啱出去曬下太陽,吸收維他命D,減輕腰背疼痛。」之後就狂Sell所穿泳衣嘅優點,明顯廣告,唔提嘞。
生日房間。
張相好簡單但好靚。
楊洛婷指「當買咗個開心」!
前港姐亞軍楊洛婷老公、樂隊Dear Jane主音黃天翱(Tim),2018年以2,035萬元一手買入西貢清水灣的新晉豪宅傲瀧一個單位,並斥資200萬元買入一個車位,造價合共約2,235萬元。消息指,夫妻二人於本月初連車位以1,828萬元售出單位,呎價15,452元。售出曾作自住用途的該單位,該單位位於15座高層A室,面積1,183方呎,3房1套間隔。是次交易帳面蝕讓407萬元,若連其他賣樓使費計算,持貨六年間,料需蝕讓逾500萬元離場。
撤辣後樓市氣氛轉旺,陸續有名人選擇沽貨套現,前港姐亞軍楊洛婷老公、樂隊Dear Jane主音Tim本月初以1,828萬元售出有「明星屋苑」之稱的西貢傲瀧三房連車位。
Tim持貨約6年,帳面損手407萬元或約18%,計及使費恐實蝕500萬元離場。
楊洛婷向外透露,由於以往要駕車一小時送子女上學,漸漸感到出入不便,最終決定搬離故沽出單位。她又指加上老爺的朋友本身對傲瀧有興趣,所以出售物業予對方,造價屬市價水平,並笑言:「當買咗個開心」。
傲瀧素有「明星屋苑」之稱,有不少藝人居住,包括少爺占、關智斌等曾經居住,另外藝人張寶兒與袁偉豪亦於2020年,以聯名斥資6,568.3萬元,購入傲瀧花園複式單位。
楊洛婷指3年疫情期間居住於傲瀧,疫後為了方便子女返學而決定賣樓,而新買家是「老爺」的朋友。
她續指目前本港樓價回落,今次成交價仍算是市價水平,而投資「唔係賺就蝕」,笑言「當買咗個開心」。