天水圍448呎兩房凶宅售468萬 網民：樓價更恐佈

香港樓價高企，不少人為「上車」或會考慮便價買入凶宅，只求有一屋在手。不過，天水圍一個448呎的兩房單位，以$468萬港元放售，引起網民熱議。有網民直指，樓價比「飄飄」更恐佈。

網民認為裝修並未有令住宅變好。「業主銀主筍盤」Facebook 相片

有網民指看到相片已感到不舒服。「業主銀主筍盤」Facebook 相片

有人在「業主銀主筍盤」Facebook 群組放盤天水圍嘉湖山莊中層一個448呎的2房凶宅單位，列明該單位適合有宗教信仰、陽氣旺盛人士居住。帖子有列明，已請師傅到場處理風水、完成打齋，並用$30萬裝修大翻新。

有網民認為凶宅要價400多萬太貴。「業主銀主筍盤」

此住宅早前曾發生命案。「業主銀主筍盤」Facebook 相片

帖文附上單位內部相片，有網民留言指只看相片已感到不舒服：「 講真，淨睇相，其他位置ok，但洗手間真係最令人不舒服，無論廁所定浴室，都好唔舒服」、「廁所個張睇到已經唔舒服」、「睇相睇到好頭痛」、「打齋裝修都唔係重點，重點係銀行唔按就大鑊過見鬼！」

洗手間尤其恐佈。「業主銀主筍盤」Facebook 相片

不過，帖文惹起熱議的，更是單位售價，不少網民認為凶宅售468萬過於昂貴：「最恐怖唔係飄飄，而係香港既樓價，就咁睇個價我以為唔係凶宅」、「係香港地無任何野比窮更恐怖！」亦有網民揶揄30萬裝修費似乎無補於事：「打齋用兩萬，油牆用兩萬，淨低廿六萬一定係用左嚟搵地板啲料，呢款地板絕左版，好難搵，有錢都未必搵到，最緊要係同兇案發生果陣一樣裝修，令到啲污糟野有番歸屬感」。

資料來源：業主銀主筍盤

食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。

食客買外賣驚見「超薄切吉列豬扒」

有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。

有食客光顧連鎖快餐店買外賣，驚見「超薄切吉列豬扒」。（FB圖片）

引網民揶揄「燈影豬扒」

照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。

有網民留言表示亦曾經中伏。（FB圖片）

又係連鎖快餐店出事，食客堂食「西多紙」

其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。

有另一食客遇上「西多紙」。（FB圖片）

網民笑「人情薄⋯西多仲薄」

帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。

網民分享「超薄叉燒」。（FB圖片）

有人分享「超薄紅腸」。（FB圖片）

帖文來源：Facebook群組「香港茶餐廳及美食關注組」