拍拖是兩個人的事，結婚卻是兩家人的事。有男網民於討論區分享指，打算將與女友結婚，日前約了兩老會面，未料原來雙方母親曾在職場上有恩怨，導致兩家父母在晚飯期間全程沒交流，氣氛甚為尷尬。男網民擔心兩人之間的恩怨會影響其婚事，遂向網民詢問求解決方法。
資料圖片
資料圖片
一名男網民於「香港討論區」發文指，與女友已交往一段時間，兩人有結婚共識，各自亦見過家長，惟雙方家長從未會面，因此他便邀請未來外父外母到家中作客。樓主表示原本未來外父外母態度友善，惟一看見樓主的母親時，雙方隨即臉色一變，兩位媽媽在席間完全沒有談話，氣氛甚為尷尬，「我同女朋友都好尷尬，唔知發生咩事」。
設計圖片
待女友一家人離開後，樓主父親向他坦白，指兩位媽媽在職場上曾有恩怨，「佢哋以前喺同一間公司做過，仲要係競爭對手嚟，好多牙齒印」。樓主坦言不想因此而與女友分手，又認為媽媽較外母重要，但怕日後兩家人會「面左左」，令他遂陷入困境，「今鋪都唔知點搞好，老媽子已經幾日冇理我」，「唔想搞到件事咁僵，估唔到世界咁細，咁都撞到」。
媽媽與外來外母曾在職場有恩怨，令港男陷入困境。《巴不得媽媽》影片截圖
帖文引起網民熱論，網民紛紛對於樓主的遭遇心感同情，又認為結婚屬兩個人的事，不應過於看重兩老的看法，「親家除咗結婚當日見面外，未接觸過的好常見」、「有咩所謂啊，親家其實好少見」，「盡量唔好因為佢地兩個嘅事，而影響你地嘅婚事」，亦有網民指昔日恩怨難解，建議樓主應選擇取捨，「一係啊媽，一係女友，喺職場恩怨可能重深過情敵，因日日返工日日鬥」。
