社會事
不少人喜歡網購，貪其便宜、種類多，又方便。近日一名網民就於網上大呻，指女朋友很煩，行街時永遠都指淘寶較便宜，但他認為「行街就係想買嘢」，引起網民熱議。
資料圖片
該名網民於香港討論區上以「女朋友好煩 次次行街都話淘寶平 上淘寶買....」出帖，指女朋友在每次行街時均會表示淘寶更便宜，上淘寶買。
港男指女朋友很煩，行街時永遠都指淘寶較便宜。Unsplash示意圖
但網民認為，「行街就係想買嘢，點解唔好好咁享受下行街，咁樣仲叫拍拖咩」。
設計圖片
然而，網民對樓主女朋友的做法意見兩極，有人認為「中咗毒無得救，不如你分手把啦」、「但有時係講方便，同埋有時淘寶落嚟又嘥時間，又質素差，唔係次次都咁好彩，尤其是買衫，好多時都唔啱心水」。
設計圖片
亦有人認為，「佢幫你慳錢，佢啱」、「咁又係真係平喎」、「有個肯同你慳家嘅女人，都唔知幾幸運呀！」
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
