林作自誇同姜濤一樣成就超越 積極準備「林鍾大戰」禁裕美埋身

林作跟「百億富三代」鍾培生將於9月18日上演百萬拳賽《林鍾大戰》，日前僅受訓3個月的林作參加《Energy Fight 2021拳擊業餘賽》作熱身，雖然於附加賽最終回輸咗，但揚言不會影響出戰信心。

港人出氣 林作對打拳興趣愈來愈濃，他揚言要揪贏鍾培生，為香港人出啖氣。

挾住網民急轉彎的支持，林作信心滿滿大聲說：「我一定要打殘鍾培生，要終賠生(命)《賠錢賠命》！」

不用戒色 林作尷尬表示《林鍾大戰》前不用戒色，因為他本身不鹹濕，裕美亦透露自己沒有性需要。另外，林作加重人壽保金至1000萬港元，受益人寫女友裕美，強調兩人雖然未婚，但活在當下。

雖然《林鍾大戰》尚有4個月才舉行，但兩人連場「牙骹戰」花生指數極高。日前林作與19歲年輕對手黃明雋大戰4個會合：「嗰次喺我哋(教練李俊亨Henry）唔知情下，鍾培生嚟踩場挑機仲做埋直播，指住我哋話『全部都可以knockout』，真係好可笑，佢憑咩呀？其實我係留力策略，主要去攞吓感覺，雖然我成日開玩笑，但經歷過第一場熱身賽之後，我下定決心，一定要打殘鍾培生，因為全香港人都要求我贏，我極度得民心，𠵱家行過馬路、球場、街上，啲人都要求合照，同我講聲『加油』。」

拒絕「行埋」在全力打低鍾培生前，林作叫女友裕美忍一忍，不好搞他當幫忙。

林作自信到爆還拉埋「ViuTV國寶」姜濤來講，他說香港娛樂圈目前得兩個成就超越的人，都是兩個字，「一個係姜濤，一個係林作，姜濤喺香港有好多fans，有錢fans買電車廣告同佢賀壽，但林作只得一個超級fans，佢係鍾培生，佢會直接畀『一球』我！」

成功吸Like 在《林鍾一戰》記者會上，林作用嬉皮笑臉迎戰火爆鍾培生，網民大讚他EQ高，有急智，爭取返不少Like。

策略出擊 日前林作處男下海挑戰19歲年輕拳手，頭三回合打成平手，直到附加賽輸了，不過，阿林話係留力策略，他對賽果好滿意。

正面還擊 當日鍾培生失驚沒有神去踩場，還做埋直播話可以knockout林作等人，林作揚言受夠喇。

年幾沒有性關係

講到百萬拳賽，林作自稱有好多必殺技KO鍾培生，他笑說：「講你都唔明㗎喇！」語畢又爆響口：「我唔鹹濕，我唔係成日要搵女搞，所以可以保存好多實力，女友裕美幫我做到嘅嘢，就係唔好搞我！」問到是否要戒色備戰？他和裕美有默契地齊聲說：「不嬲都少！」林作自爆對上一次「行埋」已經係年幾前：「相比熊貓30秒至5分鐘嘅交配時間，我哋更短，我冇乜呢方面興趣。」對男友「零性趣」發言裕美不失望：「我冇乜呢啲需要，而且鍾意佢為人好，對我好，睇人唔好睇表面。」

超卓成績 現在娛樂圈，林作話只有他同姜B最Hit喎，而大家咁啱個名都是得兩個字。

冧爆嘉倩 鍾培生個人頻道，每星期都會上載3至4條Date靚女片，鍾培生冧爆女神「嘉倩BB」，揚言包個紅館給她報天氣。

開班抗壓 金融集團老闆兼拳擊教練李俊亨(Henry）大讚林作打得愈嚟愈好，更有意齊齊開班教年青人提升EQ，因為練拳會提升身心抗壓能力，幫到心智。

獎金開棟篤笑

打贏鍾培生就可以袋走100萬，而林作已諗定點用嗰100萬：「好多人唔鍾意《培生培心》每月收800蚊會費咁貴，之後又冇乜回饋，好多會員退會嚟搵我買保險，我決定拎部份獎金嚟建立我個《賠錢賠命》YouTube頻道，免費招收會員，一於做大佢。我注定係佢剋星，佢人生由我打贏佢一刻開始走上不歸路，我要等佢學識人生嘅重要一堂『有錢冇用，男子要才多過財』！」另外，林作又諗好贏咗點慶祝：「會完成一個人生小夢想，就係開林作棟篤笑，由鍾培生恰我係文弱書生，再以佢口中嘅Little Girlfriend去揪低佢，到時請埋佢上台燒黃紙叫我契哥，到時一齊笑吓。」林作還加重咗10倍人壽保險：「𠵱家保額係1000萬，受益人寫裕美，另外，亦會加強保險事業，有呢啲押喺底，就好放心衝去同佢死過！」

賠錢賠命 林作笑言要開個《賠錢賠命》YouTube頻道頂《培生培心》，玩遊戲送禮品益參加的會員。

漠不關心 林作爆阿媽不關心他死活，只是記錄低兒子在9月18日要收100萬支票，同埋為了慳返3萬蚊一張拳賽的門票，只會在場外接送他。

備戰拳賽而叫裕美不好「搞」他的林作說，香港娛樂圈目前得兩個成就超越，一個是姜濤，一個是林作。

林作又追擊舊愛麥明詩？

「十優港姐」麥明詩（Louisa）與盛勁為（Keith）早前連辦幾場「勁甜麥」婚宴，與一大班親朋好友分享喜悅，連麥明詩前男友林作的媽媽王莉妮亦有到賀，而林作則在前度貼出婚紗照後，即公開與裕美的婚紗照，疑似追擊舊愛。昨日（4月1日）愚人節，林作再貼出婚紗照，並高調宣布「我地決定要搞婚禮了！」更表示要在18區都舉辦婚宴，引起網民熱議。

麥明詩與盛勁為早前連辦幾場「勁甜麥」婚宴，麥明詩前男友林作的媽媽王莉妮都有到賀。

王莉妮還有在IG分享與麥明詩的合照。

林作則在麥明詩貼出婚紗照後，即公開與裕美的婚紗照，疑似追擊舊愛。

林作則在麥明詩貼出婚紗照後，即公開與裕美的婚紗照，疑似追擊舊愛。

林作於幾日前便在IG分享與裕美拍攝婚紗照的花絮，並留言：「倒數」，昨日再在IG公開兩張婚紗照，留言道：「本人及和田裕美欣然宣佈：我地決定要搞婚禮了！這次，我們參照目前的潮流，決定將會在今年內全港18區每區每個禮拜舉行一次婚禮，邀請在當區居住或者工作的親朋好友，及任何想課金參與盛宴的網友們，共同見證盛事。每場婚禮，都會邀請李龍基大哥擔任演唱嘉賓，融合他近期的酒樓演唱會風格，務求做到商業價值最大化。本人希望，可以做到全年霸佔網絡公共資源，煩死網民們，每場婚宴都有新的大龍鳳角度，務求長做長有。謝謝大家的祝福！」

林作在愚人節再貼出婚紗照。

高調宣布「我地決定要搞婚禮了！」更表示要在18區都舉辦婚宴。

由於林作出PO的日子是愚人節，而且他在文中只提及「搞婚禮」，而不是「結婚」，所以大部分網民都覺得他是講笑，「希望你唔好用1/4係愚人節呢啲咁X嘅藉口又話唔搞」、「決定搞婚禮，但唔簽紙注注（註）冊？」、「四月一號結婚 ?_? 唔知信唔信你好」、「搞婚禮only，唔係結婚」、「咁大個人仲4月1號講笑」、「又不是真的結婚！影嚟做乜？」更有人指林作因為麥明詩結婚而受到刺激，「睇嚟mmc結婚真係刺激到你、人哋搞婚禮搞到咁高興你又要喺呢個時候抽水去搞婚禮，難得你阿媽開咗綠燈就快啲結，你阿媽叫你快啲生個孫比佢玩啊。anyway 祝你早生貴子同美美白頭到老。」

當事人之一的裕美未有出PO或轉發林作的帖文。

林作間中就在IG分享婚紗照。

林作間中就在IG分享婚紗照。

林作間中就在IG分享婚紗照。