無趁生日求婚 湯洛雯爆馬明首去Staycation

靚湯表示佢哋唔係玩驚喜嘅人，今次staycation都係佢安排。

湯洛雯（靚湯）及蕭正楠的新劇《一笑渡凡間》下周一（24日）首播，二人昨晚（16日）在《開心大綜藝》表演短劇宣傳。問到蕭正楠驚唔驚要即場爆肚？他笑笑口說不怕，但一旁的靚湯笑言驚爆粗，阿蕭即指：「佢要即場發揮，講四、五個字嘅對聯，如果到時不慎爆粗就好笑，相反我就大鑊。」

靚湯及《一笑渡凡間》眾演員上《開心大綜藝》宣傳新劇。

本月6日是靚湯的34歲生日，她正日與男友馬國明到酒店staycation慶祝。說到她大晒三點式靚相好性感，靚湯透露其實泳衣是一件頭，蕭正楠搞笑表示：「一件頭着到三點式咁，真係天生麗質。」靚湯興奮道，沒想過正日可放假，所以好開心，更爆馬明是第一次staycation。

靚湯生日同馬國明去Staycation好盡興。

靚湯指自己是着一件頭泳衣做Spa。

靚湯爆馬國明是第一次staycation。

對方有沒有趁生日求婚？靚湯表示沒有：「我哋唔係玩驚喜嘅人，連想食咩蛋糕都會講，今次staycation都係我安排。」他們又帶上代表兩人的小馬及獨角獸公仔去staycation，靚湯在社交平台上載公仔全身濕透的相片，她解釋：「好多人話小馬污糟，所以就兩隻公仔都沖吓涼。」

靚湯在酒店為小馬及獨角獸公仔沖涼。

小馬公仔未沖涼前。

靚湯心痛愛貓！

湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。

湯洛雯與馬國明當兩隻愛貓是心肝寶貝一樣。

愛貓打完疫苗後出異常反應。

靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」

靚湯心痛得狂飆淚！

隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」

靚湯叫大家帶毛孩打完疫苗後， 一定要留意牠們情況。

指愛貓情況已穩定。