娛圈事
Jade讚囡囡音準不錯比較容易教。
關心妍（Jade）出席港台活動，她表示以往每星期探老爺、奶奶及外婆，因疫情關係也減少，由於婆婆鍾意打牌，所以通常陪婆婆開枱，打得開心更會通水讓婆婆食糊，笑言自己打牌好差，台灣牌也是奶奶教。
東星圖片
最近Jade推出新歌，問會否舉行音樂會？Jade透露會入紙申請明年紅館的檔期，因明年是她入行20年值得慶祝，希望4或5月期間舉行，現時會用心做好音樂。
Jade上次開紅館Show發生喺2012年。
至於5歲的女兒楊榮心（Jovia）會否上台表演？Jade指女兒平日也有表演慾，不知上台會否怯場，之前慈善基金因疫情在家做直播，在沒有觀眾下女兒表現好活躍，但如果上台表演便要學唱歌。她指女兒有唱歌天份，音準不錯比較容易教。
關心妍透露女兒有唱歌天份，開紅館Show考慮畀佢上台。
東星圖片
關心妍日前在廣州完成《約》22周年演唱會，全場爆滿之餘，囡囡更自薦做嘉賓！
呢次演唱會原訂Jade出道20周年時舉行，但受疫情影響延至22周年舉行，但無阻歌迷熱情，來自內地粉絲紛紛撲飛：「呢次廣州係第一站，嚟緊仲有幾站會舉行，因為延遲咗兩年，所以都加啲新衫、新歌單比佢哋補數！今次香港Fans都組團二百人嚟支持，我叫佢哋乘機去吓啲大熱超市潮聖，其中一個Fans更加喺日本趕翻嚟睇騷。」
關心妍（Jade）日前在廣州舉行《約》22周年演唱會。
囡囡心心自薦做嘉賓！
因為關心妍久未舉行巡唱，現場一票難求，有哈爾濱樂迷南下捧場，到步後才發現全場爆滿：「我都唔知點算好，真係一張飛都冇晒，冇理由我地自己買黃牛㗎嘛！但見佢咁遠嚟到都要諗吓方法，最終我比咗囡囡張飛佢，我同心心講佢係嘉賓，要喺後台準備，唔洗門票嘅！啲Fans見到佢都好開心，話佢高咗好多，唔知下次開騷佢仲肯唔肯上台唱。」
全場爆滿！
Jade以新歌衫登場。
母女再度舞台合體成焦點，Jade亦帶新歌衫登場：「因為我剛剛簽咗新唱片公司(中國SONY)，希望比大家有新嘅感覺，加上心心都入咗小學，開始有翻啲時間做嘢，所以都趁佢返學日子錄新歌，不過我同公司講好咗，要跟學校校曆表去安排工作。」
Jade透露簽約新唱片公司(中國SONY)，希望給歌迷有新的感覺。
