馬德鐘表示大家都係男一女一。
TVB劇集《伙記辦大事》今日舉行宣傳活動，主要演員歐陽震華(Bobby)、馬德鐘、陳瀅及鄭子誠等都有出席。
陳瀅唔識回應要馬神幫拖。
提到TVB最近發生奇怪現象，就是劇集以女一捧女二，口才了得的陳瀅對此完全不懂回應，要身旁的馬神出口幫拖。他笑笑說：「套劇係雙女主角，雙男主角，大家並列男一女一。」談到萬綺雯會否不滿所以缺席宣傳，陳瀅說：「蚊蚊大陸有工作，為免隔離所以無返嚟。」
歐陽震華表示若《伙記》拍續集，希望可以自編、自演、剪片加配樂。
《伙記》已進入結局篇，馬德鐘跟陳瀅表示今周劇情非常緊湊，希望觀眾多多留意。提到網民投訴陳瀅較3位主角歐陽震華、馬德鐘及萬綺雯更多戲份。陳瀅說：「都抱歉，如果我係佢哋啲fans都期待見佢哋多啲。」馬神提醒她角色是卧底，所以會貫穿所有角色。
另外，歐陽震華笑指若《伙記》拍續集，希望可以自編、自演、剪片加配樂，但不會自導。他笑說：「做咗正派30年，希望可以做反派。我個樣善良，所以無人敢試，驚孭鑊，哈哈。」
歐陽震華
吳嘉禧表示：「我係唔post正常相」。
娛樂圈中有很多不同的「閨密團」，陳瀅、賴慰玲、陳嘉寶與前Super Girls成員吳嘉禧（Cheronna）就因拍攝TVB劇集《女人俱樂部》成為好姊妹，其後再加上蔡思貝及何雁詩，六人組成閨密團「SÏXTERS」，以往經常聚會，感情相當好！不過，陳瀅近年經常四圍飛，多次缺席姊妹聚會，在今個農曆新年終於歸隊，合體團拜，但吳嘉禧近日貼出的合照卻嚇親網民。
陳瀅、賴慰玲、陳嘉寶、吳嘉禧、蔡思貝及何雁詩組成閨密團「SÏXTERS」
曾一同為何雁詩經婚擔任姊妹團。
大時大節都會聚會。
但對上一次齊人已是2021年的聖誕節。
陳瀅近年經常四圍飛，所以多次缺席姊妹聚會。
去年農曆新年六缺一。
吳嘉禧在IG分享SÏXTERS的姊妹賀年合照，但第一張相就見桃花上掛着六人的「人頭」，賀年照瞬間變成恐怖片畫面，吳嘉熙留言解釋：「實6個一齊影相最麻煩就係要執相，但係呢，你執相中途又要睇下個group會唔會send張update嘅版本出嚟，如果唔係你又要由頭開始，我就係冇中途睇
結果我就執咗幾次，咁啱幾次都係我，仲要張update唔係執個人，係執啲花，吹脹。故事教訓，執相前、中、後都要留意個group，否則前功盡廢，龍年希望大家唔洗成日執相，因為大家會好靚#我係唔post正常相#圖一圖二係我發脾氣之作#圖三係鄭太之作」。
SÏXTERS終於齊人！
有啲恐怖就有啲好笑。
吳嘉禧話呢張係鄭太何雁詩之作。
不少網民看過影片都被吳嘉禧的惡搞之作逗笑，紛紛留：「發脾氣執都咁靚，點㗎啫！新年快樂！開開心心」、「第一張心諗：做咩事棵花咁恐怖，但係cute嘅。like hashtag #我係唔post正常相」、「呢個layout ok！」
