有的士司機在facebook專頁Taxi BaBa Hong Kong表示，一名年輕乘客在其車上慌張交收毒品，令司機心痛「黃賭毒毒害下一代」。
的士司機指，上星期接完一個客人去慈雲山，客人未下車， 外面己經有人向他揮手，一名男子上車後以不純正廣東話說要去觀塘某酒店。司機指，男乘客沿途手機不斷有WhatsApp訊息 的提示聲，看似被催促，時常問他位置去到哪裏。
司機晚上駛至觀塘工廠區的酒店外，「人影都唔見多一個。我都唔明， 呢啲地方起間酒店咁古怪」當他說「先生， 多謝68 蚊」時，對方「忽然變得好緊張仲好惡咁同我講: 『等陣先』。説時遲，那時快又有一個男人從酒店行去我部的士。但佢唔係撘我車， 係畀咗一小包嘢我乘客。」
有的士司機表示，乘客在其車上慌張交收毒品，令司機無奈又心痛。示意圖片
然後乘客就話去黃大仙苳菇亭，司機也只好說「OK」。司機指「大概都知佢哋做緊乜，我只係快快手到站趕佢走為目的」。司機指「我終於明白， 呢個時間果間咁嘅酒店點解會有客。有時，人影都唔多一個都可以係賣點嚟架！」
司機慨嘆「為人父母， 真係好怕孩子行差踏錯， 黃賭毒真係一啲都唔掂得架！我都好心痛我部車被人利用， 我好憎賭害下一代的事，教育制度如是， 黃賭毒如是！唔該，唔好再毒害我的下一代啦！」
