政府計劃修例引入有香港永久性居民身份的海外培訓醫生來港，在公營機構以特別註冊方式工作至少5年後，方可正式執業。在澳洲留學的醫科學生在專頁「Dr 文科生」上表明，除非為家庭或特別原因，「香港真心無咩吸引力令外國著名醫學院畢業嘅回港執業」。
資料圖片
該醫科生指，香港「錢好多、工時都多、病人量極多（巡房20-30+）」，不過他指在香港「學習同成長速度極高」，很多醫療臨床程序如骨髓抽取（Bone Marrow）、 腰椎穿刺（lumbar puncture）、腹腔穿刺（paracentesis）都由實習醫生做。
資料圖片
不過他批評，香港租金或買樓成本極高，監獄倉房大細的樓房有時都幾令人絕望，然而「生活好方便，永遠唔會肚餓搵唔到嘢食」。
資料圖片
至於澳洲方面，雖然錢都幾多，工時不錯，一個星期連同超時工作等都是60至70小時，病人量不算太多，巡房都是10至20個病人，但很多文書工作。他也承認，在澳洲 學習及成長速度無香港這麽高，很多臨床程序都要由比較資深的專科見習醫生做。而澳洲租金或買樓成本合理，住所夠大養貓養狗無難度，生活無這麽方便，夜晚想食宵夜只得麥當勞。
香港公立醫院長年工作量大。資料圖片
他形容，「無論工作環境定生活環境，外國都真心比香港好，不過最大嘅分別就係香港嘅training真係好好，醫生成長速度真係數一數二嘅快，好多好junior都好獨立可以manage到個病人」。
他覺得，很多在外國要爭取才有的機會，在香港真是隨手可得。不過外國好處是工作量比較少，變相多了正式的教學環節。不過如果不介意慢慢等，到最後大家的臨床經驗都會是一樣。
至於醫療環境，「香港基層醫療推到2046都仲未推到，香港醫院都仲係日以繼夜夜以繼日咁處理傷風、感冒、咳、流鼻水、十年嘅痔瘡等等，長期爆病床嘅病房真係好難吸引人去做」。
