Skip to Content Facebook Feature Image

【1024】快手首季虧損擴大至577億人幣 Non GAAP虧損49億

錢財事

【1024】快手首季虧損擴大至577億人幣   Non GAAP虧損49億
錢財事

錢財事

【1024】快手首季虧損擴大至577億人幣 Non GAAP虧損49億

2021年05月24日 17:04 最後更新:17:19

快手-W(01024)公布,截至2021年3月31日止3個月,虧損擴大至577.51億元(人民幣.下同),去年同期為304.91億元;按非國際財務報告準則計,經調整虧損49.18億元,較去年同期虧損43.45億元增加13.2%。

資料圖片

資料圖片

經調整EBITDA虧損41.96億元,對比去年同期為虧損37.18億元,增加12.9%。

收入170.19億元,按年升36.6% ; 毛利69.88億元,按年升64.1%,經營虧損72.92億元,按年增45.1%。

資料圖片

資料圖片

平均日活躍用戶2.95億,按年升16.63%;平均月活躍用戶5.2億,按年升5.01%;電商交易總額1185.59億元,按年升2.2倍。

公司稱,2021年首季度用戶規模及用戶參與度增長超出預期,多項核心營運參數均創歷史新高, 2021年第一季度,中國應用程序及小程序的平均日活躍用戶達到3.792億,按年增長26.4%,按季增長20%。快手應用平均日活躍用戶及平均月活躍用戶,2021年第一季度分別達到2.953億及5.198億,同時每位日活躍用戶的日均使用時長在2021年第一季度進一步提升至99.3分鐘,按年增長16.5%,按季增長10.5%。

資料圖片

資料圖片

2021年第一季度總收入170億元,同比增長36.6%。公司稱,儘管一年的第一季度傳統上被認為是廣告行業的淡季,但公司季首季度線上營銷服務的收入同比增長161.5%,至86億元,對總收入的貢獻首次超過50%。

其他服務(包括電商)的收入為12億元,按年快速增長589.1%,電商交易總額同樣取得亮眼表現,按年增長219.8%,達到1186億元,毛利率由2020年同期的34.2%提升至2021年第一季度的41.1%。

往下看更多文章

古天后日誌|人民幣雙櫃枱 雷聲大雨點小

2023年06月20日 09:45 最後更新:09:48

6月20日,天氣炎熱,部份時間有陽光,間中有幾陣驟雨。隔晚美股休市,歐洲股市見回吐,但跌幅唔算嚴重。美國國務卿訪華,雖然連習大大都見咗面,但中美雙方會面後未見聯合聲明,雙方關係只能算打破僵局,但談不上完全破冰。由於內地經濟表現於開關後,復甦不似預期,經濟面未能支持人民幣強勢,人仔喺上周五反彈後,周一又回復跌勢。

內地國常會結束,未見有任何重大刺激經濟政策出台,618購物節成績未見突出,噚日ATMJ開市未幾即下跌,跌幅全線超過3%,之前一直強勢嘅快手(01024)更跌半成。下半場傳出習大大將會見布林肯,港股由低位反彈,呢啲重磅科網股跌幅亦收窄,帶動港股跌幅削半。

618購物節成績如何,喺各電商未有公布銷售金額下,大家都心中有數,應該唔會好得去邊,否則早已打鑼打鼓,高調宣布銷售數字。相比喺疫情之前,每當有呢類銷售推活動,唔使十個八個鐘,又話打破去年銷售紀錄,近呢三年已再無呢支歌仔唱。

不過大行對電商股都算客氣,指目前內地消費力弱,電商平台銷售產品以平價貨為主,總收入有啲啲增長都已超過預期,表現唔錯,繼續睇好。不過報告睇好還睇好,但身體最誠實,噚日未見資金入場掃電商股,主要係官方無實際銷售數據公布,大行報告都係避重就輕,電商實際整體營收表現如何,市場一清二楚,當然唔會賣賬,尤其電商如京東(09618)大灑金錢補貼進行推廣,即使谷得起個銷售額,但薄利都未能多銷,拖累整體盈利表現,電商補貼戰難以持久,相關股份經過一輪反彈後,市場面對618購物節亦不感興趣,未見資金入場追貨。

恒指噚日回吐逾百點,但收市跌幅已較盤中低點跌幅削半,雖然未能企穩20000大關,但暫時守住19800關都算係咁。不過成交額又回落至1030億元,反映場內資金面薄弱,買盤未見積極,大市都係由期指主導,指數上上落落炒波幅。人民幣雙櫃台買賣,雷聲大,雨點小,呢個都係古天后意料中事。講嚟講去,港股由18000水平反彈至今,一直未見資金配合,除咗係技術反彈同挾淡倉外,講唔上係乜嘢回復強勢。留意反彈未能企穩100日線,若再失250日線及50日線,本輪反彈好大機會結束,只係6月份好友得勢,未必會放過淡友,回調至19500水平或者又守住,假如去到期指結算後,仍未有任何好消息配合,唔排除大市再次調頭向下,坊間唔少聲音指上月低位已見咗全年低位,似乎係有啲過份樂觀。

你 或 有 興 趣 的 文 章