傳家燕嫲嫲有望抱男孫 新抱Zoe臨盆在即晒索爆孕照

期待BB嘅來臨。

71歲薛家燕(家燕姐)喺今年情人節當日，在社交網開心公布新抱陳素怡(Zoe)懷孕嘅喜訊，新抱臨盆在即，家燕姐月底榮升「家燕嫲嫲」，除非必要工作外，都盡量抽時間來照顧新抱。預產期進入最後倒數階段，昨晚Zoe喺社交網站貼出孕照寫真，相中身穿黑色吊帶孕婦泳裝嘅Zoe輕撫挺着嘅巨肚，準爸爸石耀庭（Jackson)則搭住她肩膊及輕托她孕肚，兩公婆都凝視下去，相當期待BB的來臨。

Zoe臨盆在即，石耀庭（Jackson)非常緊張。

Zoe用英文留：「See you soon, little one!I will miss the kicks, the stretches and always having you with me, but we can’t wait to see you and squeeze your chubby cheeks(再見，小傢伙！我會想念你的踢腿，伸展，還有你一直陪伴著我，但是我們急不及待想見到你，擠壓你胖嘟嘟的臉頰)之後她喺IG

家燕姐盡量抽時間照顧新抱仔。

限時動態再出Post寫道：「last minute decision to diy my own maternity shoot,to remember this big belly(最後一刻決定影大肚寫真，記住這個大肚子)」

孫仔腳頭好好，近日家燕姐接獲大量廣告。

化咗淡妝嘅準媽媽Zoe繼續留住一把長長直髮，清純look依然有少女味，而且見她手臂依然纖幼，完全肥胎不肥人，佗得好靚。見她上圍谷奶而升Cup，明顯好快生得。Zoe出post後唔少朋友留言恭喜及表示期待，相信她會係一個好媽媽，不過，Zoe為保持神秘感，先賣關子並冇公布胎兒性別，就連朋友追問她懷胎多久也沒有回答。不過，近日就有小道消息盛傳Zoe佗男B，家燕姐第一個將會係抱男孫。

家燕姐會如常返電台開咪。

家燕姐新抱仔Zoe喺產前影大肚寫真留念。

57歲仲係21吋腰。

葉子楣(Amy) 今日(20日)接受新城《開心大派對》主持薛家燕、思敏及范振鋒訪問，家燕姐問到Amy當年是否墮入愛河受到男友反對而毅然引退？Amy坦言：「男人係咁自私，而且當年最高峰連拍13部戲，都想俾自己休息一下，試過一日趕幾組戲，冇得瞓覺。」阿范即笑言好羡慕拍戲拍到冇得瞓。

葉子楣（Amy）昨日(20日)接受新城《開心大派對》主持薛家燕、思敏及范振鋒訪問。

葉子楣指當年最高峰連拍13部戲，都想俾自己休息一下，試過一日趕幾組戲，冇得瞓覺！

當年墮入愛河而毅然引退！

家燕姐則讚Amy天生尤物，依然保持21吋腰，並問秘訣？Amy即大方公開保持身材秘方：「唔好食煎炸及鹹嘢，如果戒埋甜品仲瘦，甜品對皮膚唔好，不過我好鍾意食甜，會食少少，同埋一定要運動，食物7分，運動３分。」

葉子楣大方公開保持身材秘方。

話唔好食煎炸及鹹嘢，仲要戒埋甜品！

家燕姐好羨慕葉子楣身材。

Amy並謂當年退出好享受不用化妝、影相，又可以慢活，但復出後再重見大家，又覺得好開心，對於她復出後網民評語，她表示無論如何都會有批評或讚賞，但她不會理會，並有一套應付惡意批評的方法，就是要消化惡意批評。不過阿范就安撫她大部份留言都是支持Amy。

家燕姐再談到Amy當年曾做歌手出唱片，Amy即謂當年不單止在香港出唱片，更到台灣發展推出唱片，更在台灣演出過百場音樂會，她有點歎謂：「但認識醫生男友之後，佢唔俾我，之後推咗好多。」家燕姐問她是否愛情至上的人？Amy即說：「做人唔好向後望，應向前望，會更加好，單身咗咁多年，已經習慣咗，桃花就多，真正姻緣好難搵到，條件最緊要眼緣及鍚自己。」

葉子楣指做人要向前望。

家燕姐再談到Amy當年性感女星形象相當成功，堅守不露點，Amy即說：「當年走性感路線完全係順其自然，講明不應酬、不食飯，就算去台灣發展，簽合約，也寫明性感不露點，不食應酬飯。」

葉子楣當年堅持不露點！