娛圈事
環保小先鋒。
關心妍今日出席「第26屆海洋公園保育日」啟動禮，她指4歲女兒「心心」在學校學習到環保知識外，自己也會向她灌輸，但女兒似足管家婆會教返他們。她說：「女兒會問知唔知沖涼用幾多水同幾多分鐘，又稱不可以開水喉太耐。她見我沖涼仲得耐就會問仲未出來？我話落緊妝，唔係用緊水。」她坦言在家中會少開冷氣，不過女兒好易出汗，加上頭髮很厚，所以會改剪「冬菇頭」，好彩女兒不愛扮靚，仲要求剪短一些令游泳時更方便。此外，剛推出新歌《腍》的關心妍，稍後會再推出兩首歌。而她本身有教人唱歌賺錢以維持「妍亮生命慈善基金會」的營運開支，之後又要籌劃暑期班及安排女兒的暑期活動，所以將會好忙。
關心妍嚟緊會好忙，要教唱歌又要安排暑期活動畀囡囡。
關心妍囡囡雖然得4歲但環保知識好強。
網上圖片
關心妍著重一家三口親子樂。
關心妍日前在廣州完成《約》22周年演唱會，全場爆滿之餘，囡囡更自薦做嘉賓！
呢次演唱會原訂Jade出道20周年時舉行，但受疫情影響延至22周年舉行，但無阻歌迷熱情，來自內地粉絲紛紛撲飛：「呢次廣州係第一站，嚟緊仲有幾站會舉行，因為延遲咗兩年，所以都加啲新衫、新歌單比佢哋補數！今次香港Fans都組團二百人嚟支持，我叫佢哋乘機去吓啲大熱超市潮聖，其中一個Fans更加喺日本趕翻嚟睇騷。」
關心妍（Jade）日前在廣州舉行《約》22周年演唱會。
囡囡心心自薦做嘉賓！
因為關心妍久未舉行巡唱，現場一票難求，有哈爾濱樂迷南下捧場，到步後才發現全場爆滿：「我都唔知點算好，真係一張飛都冇晒，冇理由我地自己買黃牛㗎嘛！但見佢咁遠嚟到都要諗吓方法，最終我比咗囡囡張飛佢，我同心心講佢係嘉賓，要喺後台準備，唔洗門票嘅！啲Fans見到佢都好開心，話佢高咗好多，唔知下次開騷佢仲肯唔肯上台唱。」
全場爆滿！
Jade以新歌衫登場。
母女再度舞台合體成焦點，Jade亦帶新歌衫登場：「因為我剛剛簽咗新唱片公司(中國SONY)，希望比大家有新嘅感覺，加上心心都入咗小學，開始有翻啲時間做嘢，所以都趁佢返學日子錄新歌，不過我同公司講好咗，要跟學校校曆表去安排工作。」
Jade透露簽約新唱片公司(中國SONY)，希望給歌迷有新的感覺。
