愛犬扯跌落樓梯幾乎破相 林欣彤Po合照表示原諒

負責任的飼主。

歌手林欣彤早前（Mag）帶愛犬「飛飛」落街放狗，可能「飛飛」一時興奮突然失控，連累Mag仆落樓梯。Mag喺屋企人陪同下睇醫生，之後上載傷勢相到社交平台，見佢手腳同下巴都損晒流晒血，Fans都非常擔心！幸好休養一周後傷勢已冇大礙，昨日仲上載與「飛飛」嘅新合照報平安，相中可見阿Mag嘅下巴仍貼住膠布，認真可憐。

Mag上星期報告畀Fans知受傷，手仔損哂好心痛。

手同膝蓋都需要包紮。

Mag睇醫生當日多謝細佬陪伴在側。

出名錫狗仔嘅林欣彤表示事發一天後已經原諒愛犬：「其實今次一跌好似係個天畀我放咗個假咁，好好調整自己心態，真真正正地休息，養寵物真係好大責任，有開心，亦有辛酸，大家養之前一定要諗清諗楚呀，最好當然係領養啦。」Mag亦好多謝大家對佢嘅關心：「我好轉緊啦～好想可以快啲做運動呀，其實行得走得，四肢健全，係好好好值得感恩嘅事！」。有網民留言「飛飛」有佢呢個主人真係幸福，亦為Mag打氣，希望佢可以好好休息、早日康復。

「飛飛」係Mag領養嘅其中一隻唐狗。

希望Mag快啲好返，唔會留疤可以Keep返個靚樣！

Mag放狗搞到仆落樓梯受傷，除咗手腳仲傷及牙鉸韌帶。

關心妍《妍亮慈善福音演唱會》於4月20日順利完成，一眾圈中藝人義助擔任嘉賓，包括鄧萃雯、衛蘭、衛詩、孫耀威、林欣彤、王祖藍、王君馨、鍾舒漫、鍾舒祺、黃劍文等等。

關心妍《妍亮慈善福音演唱會》於4月20日順利完成。

演唱會由鄧萃雯獨白掀起序幕，Jade隨即升上舞台唱出多首歌曲，歌迷熱烈歡呼支持，鍾舒漫、鍾舒祺成為演唱會第一組嘉賓，鍾舒漫除了與Jade對唱外，更與妹妹鍾舒祺大跳《信者得愛》，令全場氣氛火熱！個唱中播放多條影片，包括Jade媽媽講述女兒入行經過、老公亦分享二人相識故事等等，雯女更在片中大讚Jade「夠乖」，不時參與義工服務等等。

鄧萃雯獨白掀起序幕。

鍾舒漫、鍾舒祺成為演唱會第一組嘉賓。

Jade表示呢晚演唱會有1500個基層家庭免費入場，坦言感謝好友義助支持，將「不可能的任務」變可能。林欣彤台上分享，過去經歷多種病痛，多次走到絕境時，靠信仰救回自己生命，佢仲與Jade對唱《You Raise Me Up》，二人唱功非凡令觀眾如痴如醉！

Jade與林欣彤唱功非凡，令觀眾如痴如醉！

而Jade女兒「心心」是Fans最期待的嘉賓之一，她表示要身體力行支持父母：「因為我要支持Daddy 媽咪，今日帶咗啲朋友一齊唱歌多謝你！」令Jade非常感動！Jade表示多謝女兒生性，笑言「等咗佢好耐」：「上次我演唱會時講等咗佢好耐，啲朋友以為我等佢上台，其實我等咗七年先有佢，所以生命真係天父送比我地嘅禮物。」

Jade女兒「心心」是Fans最期待的嘉賓之一。

被Jade譽為「Dancing Queen」的王君馨大跳熱舞、孫耀威驚喜現身令樂迷眼前一亮，而衛詩台上重提日本被捕事件，一度講到眼濕濕：「喺日本嘅時候，我都未好認識呢個神，但我都祈禱『如果你聽到嘅，你救吓我啊？』，跟住返到香港好多教友藝人都會主動關心我，嗰時我會諗『大家都唔係咁熟，你地係咪傻㗎？』，後來我走出最低迷嘅時候，我仲將信仰介紹比埋我家姐。」

「Dancing Queen」王君馨大跳熱舞！

孫耀威驚喜現身令樂迷眼前一亮。

衛詩重提日本被捕事件，一度講到眼濕濕！

衛蘭

演唱會完成後舉行慶功宴，Jade表現興奮笑言：「我問囡囡佢驚唔驚，我怕佢上台會啞咗，但佢好乖成日都練習，所以我都應承佢夾公仔夾到夠本，因為我都幾叻。今次最感動係福音組合上台，但我都叫大家綵排時喊夠先，將最好嘅表演帶翻比觀眾。」

演唱會完成後舉行慶功宴。

Jade媽媽 （圖左）、 Jade哥哥 （圖右）和 Jade女兒心心