被舊愛暗示出軌 Edan擔心影響形象：唯有做好自己

Edan透露有和舊愛溝通。

人氣男團MIRROR成員呂爵安（Edan）、盧瀚霆（Anson Lo）和陳卓賢（Ian）出席《Never Give Up》網上慈善演唱會發佈會，三人在台上示範精神健康操，並分享各自的減壓方法，又認為身邊朋友遇到情緒問題時，最重要是陪伴和聆聽。

Edan、AL和Ian出席《Never Give Up》網上慈善演唱會發佈會。

三人在台上示範精神健康操。

講到隊友姜濤早前疑因壓力爆煲在網上放負，令人擔心，Edan指姜濤情況OK，放完假後已投入工作，大家不用擔心；Anson Lo指姜濤是一個需要私人空間的人，遇到壓力時要時間自行沉澱，認為默默在其身邊支持和陪伴已經足夠；Ian則笑指現在的姜濤比以前更開朗。

三人分享各自的減壓方法。

Edan早前被舊愛暗示出軌，之後更有網民在討論區上載聲稱是Edan挑逗女性友人的對話截圖，內容露骨，Edan坦言看到報道後有不開心，但過了幾天已沒事，日後會專心工作，讓大家見到他的努力。

三人均認為身邊朋友遇到情緒問題時，最重要是陪伴和聆聽。

問到有沒有為此聯絡舊愛？Edan說：「有溝通過，我不希望影響他們，見到新聞都會有不開心，但作為公眾人物會調整心態，也知道很多人關心我。（擔心影響形象？）擔心都無辦法，唯有做好自己，一班兄弟都很支持我。（日後在網上留言時會更慎言？）不回應了，多謝大家關心。」身旁的Anson Lo也幫口，希望大家多關注他們的在幕前的努力和作品。

三人齊受訪。

另外，有Anson Lo的粉絲投訴後援會會內數目不清，會長玩弄權力和中飽私囊等多宗罪，Anson Lo表示經理人花姐有跟他提及事件，他認為粉絲之間會有不同意見，他最希望是大家一團和氣，開心最重要。問到會否親自出面調停？他表示曾在社交平台講過不喜歡大家吵架，人與人之間會有意見衝突的時候，只望大家都能理性分析。至於會否找會長傾談？他指公司已在處理。

Edan謂會努力做好自己，及多謝一班兄弟支持；AL亦希望大家多關注他們的在幕前的努力和作品。

MIRROR正忙於世界巡迴演唱會，但盧瀚霆Anson Lo仍抽空於出發前製作新歌《深閨》，並於早前完成英國站巡唱後，與團隊走到巴黎拍攝歌曲的MV，這正好配合這次甜到漏的歌詞。

《深閨》由徐浩作曲、監製，黃偉文填詞，是Anson Lo暫時最喜歡自己的一首慢歌。歌詞內容簡單直接地道出，當愛上一個人之後，可以為對方變成一個黐家的人，被對方獨佔，甚至放棄名利。Anson Lo坦言歌詞完全說中了他的心態，道：「歌詞其中一句：『拒絕再做凡間千人迷』，好Relate到自己，同埋佢令我思考到，如果有一日我真係拍拖，係咪要放下自己工作上嘅Anson Lo？係一首好Personal嘅慢歌，所以我喺錄音室唱嘅時候係有唱到喊。」

Anson Lo推出新歌《深閨》。

觀看相關影片按連結：https://youtu.be/70vVZqVsqeg?si=9RD6my9ItvtgApW3

Anson Lo又幻想，如果自己拍拖，都應該幾似Wyman所寫，會全神貫於對方身上，「因為我係巨蟹座，係一個Home Guy（住家男人），好鍾意留喺屋企，拍拖的話，放工都會即刻返屋企，然後喺屋企食飯睇戲，瞓覺攬埋一齊；假期都未必出街，兩口子一齊煮下嘢食飲杯咖啡，就已經好好。因為如果我鍾意一個人，都好想24小時黐住佢，做乜都OK。」對於Anson Lo來說，《深閨》所說的愛情觀與他本人很吻合，但他相信，歌詞同樣說中了大眾當情到濃時，對於愛情的執迷與痴迷，他相信大家聽到歌詞，一樣會身同感受。

Anson Lo自言是住家男人。

如果鍾意一個人會好想24小時黐住對方。

對於Anson Lo來說，《深閨》所說的愛情觀與他本人很吻合。

為了《深閨》，Anson Lo這次特別在巡唱出發前將歌曲錄好，然後趁完成英國站演出後，特地走到巴黎拍攝。揀選巴黎拍MV，全因這裡予人浪漫、Fashion又Cozy的感覺，而《深閨》裡的愛情同樣十分浪漫，又無拘無束，加上從倫敦到巴黎只需個多小時十分方便，所以絕對是不二之選，而整個拍攝過程中，Anson Lo最喜歡在巴黎鐵塔拍攝的場口，他說：「夜晚可以睇到巴黎鐵塔唔同嘅燈光閃法，好靚！同埋我哋拍攝嘅地方只係隔住一條河仔，可以好近咁望到巴黎鐵塔，又大好靚，又襯首歌，而家可以拍埋入《深閨》MV裡面，有剔咗Bucket List嘅感覺。」

Anson Lo揀選巴黎拍MV，全因這裡予人浪漫、Fashion又Cozy的感覺。

與《深閨》中的愛情同樣十分浪漫，又無拘無束。

被問到又要巡演又要拍MV，體力上可以應付得到，Anson Lo坦言：「每次都係同自己講，應付唔到都要應付，因為做完巡演，話唔攰都係講緊大話，但只要每次做嘅嘢，都係自己好期待嘅作品，攰就唔係咁大問題。」

雖然要巡演又要拍MV，會好，但Anson Lo坦言：「應付唔到都要應付。」

這次是Anson Lo首次踏足巴黎，所以除了拍MV以外，他亦有在當地遊覽，他分享道：「有周圍睇下名勝、景點，買咗少少嘢，又有探索下啲Café，坐低飲下嘢食下嘢，又或者喺條街行下。其實今次巡演又好，喺巴黎拍MV又好，最鍾意做嘅嘢唔係買嘢，而係喺條街度行，因為喺香港一落樓就上車去工作目的地，好少喺條街度行，我好想喺唔同國家嘅街上面行，感受下嗰個國家嘅Vibe係點樣，可以見到好多人唔同嘅面貌，做人處事方式，都會好好奇，齋行都好有趣好好玩。」

首次踏足巴黎的Anson Lo除了拍MV以外，亦有在當地遊覽。