張致恒內地走埠登台狂唱《死性不改》 同女歌迷合照勁受歡迎

努力賺錢。

網上圖片

藝人張致恒（Steven）負面新聞纏身，差落周身債，早前更向多個債主公開道歉，應承有拖無久，最近他更積極北上掘金還債。他，撇低老婆雯雯和兩個囝囝，接連去廣州、汕頭、南寧、廈門等地登台，早前內地社交平台流出他在汕頭登台的片段，最近又見到他現身廈門登台，同樣演唱《死性不改》，一首金曲走天涯。

網上圖片

Steven於廈門登台，在片段中見到疑似在婚宴場合，他一邊唱《死性不改》一邊與賓客握手，反應不俗，更有女歌迷邀請合照。Steven身型看似比之前消瘦不少，他早前拍片扮嘔，大呻日日唱《死性不改》唱到想嘔，但有斥責他不尊重拍檔檔關智斌（Kenny）。

網上圖片

其實Steven因被踢爆一腳踏五船，連累BOYZ拍檔Kenny的紅館演唱會幾乎搞唔成，本以為她與歌迷雯雯奉子成婚後，成為人父兼老公變得生性，但隨即又被爆欠債40萬，債主包括馮鎵瀠（Naomi）、林盛斌（Bob）、張彥博等。除了曾被貼街招追數外，Naomi更出PO鬧爆Steven有錢搬屋但不還錢。

網上圖片

網上圖片

張致恒有工返無錢收？

有「離婚界KOL」之稱的張致恒（Steven）和區燕雯（雯雯）婚後育有四名兒子，兩公婆經常在社交平公開家事，一家又長期經濟困難，但近期張致恒似乎終於生性，不時在IG分享打工生活，日前舉家為大仔張天寶慶祝5歲生日。不過，雯雯今日（4月16日）突然出PO，自爆屋企被cut電，直言：「完全已經唔係容忍嘅範圍之內！」

張致恒早前不時在IG分享打工生活，似乎終於決定腳踏實地。

一家人日前齊齊出動為大仔張天寶慶祝5歲生日。

張致恒寄語囝囝：「努力做人，讀唔到書唔緊要最緊要做一個開心嘅人，做個善良嘅人，千祈唔好好似daddy咁失敗，所有嘢都一事無成！」

雯雯在IG Story以黑底白字留言：「要發生嘅，終於都發生，你終於都令到屋仝發生俾（畀）人CUT電，完全已經唔係容忍嘅範圍之內！小朋友又冇得煮嘢食，又冇熱水沖奶，不停喊，請問你想我點？！」根據雯雯以往經常在IG公開鬧爆張致恒，估計今次文中的「你」亦是指張致恒，令人疑惑他們一家的經濟狀況，張致恒是否仍有打工？

雯雯又公開指責張致恒？

此外，雯雯今年2月突然自爆有一名兒子患自閉及過度活躍症，「坦白講照顧呢類小朋友， 無論係身心情緒都係好大嘅學習，我一個人真係冇能力，同一時間可以照顧到四個小朋友，應該話可以照顧到，但係會有一定嘅危險。」又稱兒子曾跌倒傷耳，「醫生同我哋講呢類小朋友，一年起碼會去幾次急症室要有心理準備，而家每一日面對佢嘅行為情緒都係一個好大嘅挑戰，同時因為屋企其他嘅小朋友仲好細，亦都會受到影響，我哋亦都要好努力學習點樣可以得到一個平衡」，更坦言壓力已接近爆煲，引來不少網民關心，直到張致恒早前在IG分享為大仔張天寶慶生的照片，並留言：「想當日仲趴喺我心口度瞓覺我喺度打機，而家百厭調皮直情係一隻馬騮」，惹來網民揣測患自閉及過度活躍症是大仔，事後他與雯雯今日分別在IG Story澄清，貼出同一張大仔的照片，並留言：「我想澄清番，天寶係冇自閉」。

雯雯曾發長文解釋兩公婆不能出外工作的原因，其中一個原因就是有一個囝囝確診自閉及過度活躍症。

澄清大仔沒有患自閉證。