*

被寸膊頭闊好大隻 鄧小巧獲外籍男友爆粗力撐

好sweet啊~

鄧小巧自4月初飛赴溫哥華放大假,其間仍不忘於社交網分享當地日常,見她得閒行山睇瀑布、湖邊Camping,又坐哈利(Harley Davidson電單車)遊車河,日日過住慢活生活,十分寫意。不過玩得咁開心,最主要都係有外籍男友「白先生」全程陪伴!

【好閃呀喂!】俾人寸膊頭闊好大隻 鄧小巧獲外籍男友爆粗力撐

小巧貼出與外籍男友「白先生」的合照。

【好閃呀喂!】俾人寸膊頭闊好大隻 鄧小巧獲外籍男友爆粗力撐

「白先生」揸住架哈利載住小巧去兜風。

上月25日回港的小巧在隔離期間於IG密密出Po,繼早前貼出男友遮臉照後,今日(7日)她再公開了二人戴黑超的合照。相中,小巧仲小鳥依人般依偎在「白先生」壯闊的胸膛上,又留言大晒二人Sweet爆對話:「今日我做完運動同白先生講:『我個膊頭真係好闊啊!我好想做一個弱不禁風嘅女仔。』白先生話:『你個膊頭係闊啊,but that’s nothing wrong with it ,just embrace it.(但完全冇問題,咪欣然接受佢囉)』我:『啲人成日話我太大隻。』白先生:『well, fuxk them, they are weak!(咁理X佢,佢哋弱啫!)』即刻覺得自己係小鳥依人。」一眾網民紛紛留言嗌「閃」,並祝福小巧「Mr. White(白先生)」成為她的「Mr. Right」。

- 閱讀更多 -