暖男Jer提女友M痛食藥好窩心 姜濤暫代隊長暗爽

Jer交低電話前嘅短訊好貼心；姜濤成為「梅窩隊長」。

ViuTV昨晚（8日）播出《調教你MIRROR》第二集，12位鏡仔終於到達梅窩。正式入Camp前，梁祖堯轉達經理人花姐的說話，要求大家交出電話。

成員被沒收電話前可通知身邊人報平安。

成員向家人Send出「最後的短訊」，其中阿Jer（柳應廷）選擇通知女友，更提醒她M痛要食藥，祖祖疑惑反問「你唔提佢，佢就唔食藥，之後呢14日就會嚟M？」Stanley（邱士縉）代答：「你唔提佢，佢就會話做咩唔提我！」Jer雖然笑晒點頭同意，但亦表示要體諒對方，又暖又甜。

Jer提醒女友M痛要食藥。

同樣有拖拍嘅Jer及Stanley似乎感同身受。

Jer交低電話前嘅短訊好貼心。

抽籤揀房時，姜濤及Jeremy（李駿傑）都不想與Edan（呂爵安）同房，最後由Jeremy及Ian（陳卓賢）「中獎」！Edan最開心，因為Jeremy好識照顧人，果然係「通渠CP」；Ian就表示Edan在《造星》十強去美國時好污糟，怕房間衛生環境會好差，即被對方反駁「其實我有基本衛生」！

Jeremy知道要同Edan同房，個樣勁Sad。

Ian都變苦瓜。

怕房間有鬼的Anson Lo（盧瀚霆）被祖祖嚇親，又被搜出帶「杯」去Camp，原來係漱口杯；Lokman（楊樂文）就被搜出絲質內褲。

Anson Lo入房時被祖祖嚇親。

Anson Lo帶「杯」去Camp，原來係漱口杯。

Lokman帶咗好多絲質內褲。

眾人食Lunch時見到餐廳檯面有4隻杯，激似《MIRROR GO》泰國篇的懲罰環節，姜濤更即時檢查環境，隊員疑心病發作相當不安。

姜濤怕中伏，即時檢查環境。

Anson Kong對《MIRROR GO》恐怖懲罰歷歷在目。

另外，Lokman可在今次旅程暫時放下隊長身份，他交出位置給姜濤，姜濤對期間限定「梅窩隊長」一職雖然驚訝但又忍唔住笑，期待睇姜隊長表現。最後，祖祖也答應大家，今次不會像《MIRROR GO》一樣玩殘12位仔仔。

姜濤知道自己暫任隊長已忍唔住開心笑。

笑容好可愛。

「梅窩隊長」要加油！

Jeremy李駿傑與Serrini的《唯美本尊》合唱版MV大公開！

李駿傑Jeremy最新單曲《唯美本尊》，找來Serrini填詞，早前拍攝MV時，對方更偷偷現身客串演出，令Jeremy驚喜萬分，亦因為這個緣故，Jeremy想到要找Serrini一同推出合唱版，日前他們更為此拍攝了特別版MV。

Jeremy與Serrini推出《唯美本尊》合唱版MV。

Serrini在上次《唯美本尊》MV中客串時，興之所致飾演住在Jeremy樓下的鄰居，其演出成為了MV的彩蛋。其實Serrini當日有向Jeremy教路如何演繹《唯美本尊》這首歌，Jeremy道：「當日Serrini有教我點樣去唱呢份詞，同我解釋點解咁寫，要擺咩語氣會好啲 ，我聽住佢唱，就覺得，啊！佢唱得好好聽啊！唔得，真係要同佢合作，所以拍完MV嗰晚就即刻WhatsApp花姐，問可唔可以合唱，然後再有同事幫忙，促成呢件事。」近期Serrini都旅居外地，鮮有在香港，但剛巧另有工作安排要回港一趟，造就Serrini特地抽空錄音兼拍MV，《唯美本尊》合唱版也就此誕生。

Jeremy大讚Serrini唱得好好聽，所以堅決要和她合作。

合唱版的《唯美本尊》沒有特別轉Key，但Serrini想加點新意，她說：「唔想就咁和音，好似冇乜意思，所以我加咗好多Melody，同埋好似Answer Back嘅嘢，而家似新作品。」Jeremy表示很喜歡這個版本，「當日錄音係我錄先，跟住Serrini錄，本來我錄完就可以走，但我唔肯走，要留喺度聽埋先。之前我聽到冇任何混音嘅版本都已經好好聽！到聽到完整版本，係非常鍾意。」

合唱版的《唯美本尊》沒有特別轉Key，但Serrini有加點新意。

Serrini在錄音室聽過Jeremy現場錄音的表現，也大讚他要妖要放鬆都可以按指導即時做到，十分專業，Serrini更說：「我係幾Surprise Jeremy把聲幾入咪，同埋佢一嚟到就話食咗嘢OK可以即刻錄。監製驚佢嚟自男團，要跳舞，唱歌會唔會要多啲時間Warm Up，又唔係，一入嚟就Ready，歌詞又唔使睇！」Jeremy聽到這裡即說：「自己歌嘛！如果唱唔到好大鑊，哈！」

Serrini大讚Jeremy要妖要放鬆都可以按指導即時做到，十分專業！

其實在製作《唯美本尊》之始，Jeremy只是簡單地寫了短短的內容，他回憶內容道：「其實嗰陣我係想話，世界有好多負能量，有好多唔好嘅人與事喺我哋身邊發生，好多時候我哋冇辦法去改變佢，最多只能忽視佢，希望用呢首歌教大家點樣去忽視呢啲事情。我冇特登去諗擺啲乜嘢形象落去呢首歌裡面，但係Serrini就為我賦予咗本尊嘅形象。」

Jeremy指製作《唯美本尊》前只是簡單地寫了短短的內容，但Serrini就為她賦予了本尊的形象。

Serrini亦解釋到她很想將Jeremy提到的負面情緒，變成了正能量，她道：「Jeremy寫嘅幾句嘢太簡單，要深入啲，仲要將我自己成日幻想啲囝囝應該係咩樣，就安喺佢身上。因為我好鍾意《半》嘅MV造型，係諗住嗰個樣嚟寫，而歌名如果用『唯我獨尊』太過硬，然後就諗到『唯美本尊』，因為我哋成日覺得Jeremy好靚，但點樣再Elegant啲？而家佢染金毛就更加係『唯美本尊』嘅樣。」

Serrini解釋到她很想將Jeremy提到的負面情緒，變成正能量。

而這個唯美形象的Jeremy，除了在早前《唯美本尊》MV出現外，今次在特別版MV中亦再度現身，因為這個特別版MV，是上回的故事延續，Serrini道：「上次客串我亂噏話自己係住樓下個女人，今次想故事延續，一個著綠色絲絨衫嘅女人返到屋企換衫，就換咗好Casual T恤質地嘅裙，遇到Jeremy㩒門鐘到訪。」要知道Serrini向來都是鬼主意多多，性格隨和又不拘小節，在拍攝這個特別版MV時，便展現了她的獨有風格，但Jeremy卻表現緊張，Serrini大爆：「頭先拍MV時，要Jeremy挨埋嚟，佢好似唔知點算好，勁緊張，好有趣！」Jeremy難為情表示：「係呀，我驚你介意呀！」Serrini當然沒有介意啦！而Jeremy了解到Serrini的「底線」之後，也愈演愈放，本尊的氣𦦨也慢慢散發出來，與Serrini擦出前所未有的妖艷火花。

觀看相關影片按連結：https://youtu.be/GrweZk5bTdU?si=fttU5kkrrggeQq3a