Alex透露現實中同樣較喜歡「健康型」女生。
「照騙」處處,型男唱作歌手林德信(Alex)都「中招」!香港臨床腫瘤科學會近日邀請了Alex拍攝一系列乳癌教育宣傳片,希望呼籲一眾女性關注乳癌。誰知,Alex竟墮入一個又一個的「陷阱」!
Alex為乳癌教育拍宣傳片。
Alex同女神相睇屢墮陷阱。
片段中,Alex一連約見幾位「女神」相睇,但「騙徒」手法層出不窮,不但「妹豬變大媽」、「九頭身變肥妹仔」等等,更有違Alex揀女朋友的大原則——愛錫自己身體健康。即使身邊人患上乳癌,她們都持僥倖心態,或自恃年輕,以為自己不會「中招」;即使「中咗」都斷言不用處理,以為乳癌「九死一生」。
Alex現實中同樣較喜歡「健康型」女生。
Alex和這班相睇對象在餐廳遇上多位專科醫生,親自解答一眾女士對乳癌的誤解。Alex透露現實中同樣較喜歡「健康型」的女士,會推薦家人朋友觀看此宣傳片,提醒她們平時要恆常做自我檢查。
妹豬變大媽。
林德信透露見到哥哥同妹妹生完小朋友好似好開心、好Sweet,所以都想生BB。
林德信(Alex)與孫曉賢(Kendy)日前出席酒吧騷「Singleton Sip or Speak」,二人一早到場綵排,仲彈結他Jam歌,好快全場氣氛高漲大合唱!Alex就話二人同年出道,當年更同屬一間唱片公司,笑言呢次音樂演出似「重聚」,「其實我同Kendy都鍾意飲嘅,所以次次見面都會飲翻杯,有一次酒吧撞到佢,諗住飲杯聚吓就算,點知突然落大雨走唔到,睇嚟都似個天要我地聚多一陣。」
林德信與孫曉賢日前一同出席酒吧騷。
剛剛完成婚禮的Alex剛渡蜜月回港,佢就話呢次唔算「Honey Moon」,因為全家都參與其中,忙於打點無閒「造人」:「好多年都冇成家人去旅行,呢啲機會要好好享受吓,哥哥同妹妹幾年冇見面,連姨甥都係第一次見面咋!見佢地生完小朋友好似好開心、好Sweet想生BB,長輩都冇催我吧,生仔生女都冇咩所謂。」
林德信完成婚禮兼渡蜜月回港。
Alex指今次渡蜜月,全家都參與其中,所以無閒「造人」。
直言想生BB,生仔生女都冇所謂。
Alex就話希望來年想搞個人騷,Kendy反建議對方搞音樂節,將音樂、瑜珈、茶道大結合,Alex即席邀對方參與:「『造人』、『搞騷』唔怕一齊嚟嘅,呢啲係自己嘅挑戰,可以同步進行,可能半夜返去幫手餵奶,之後朝早再出去唱歌。」
Alex又希望來年想搞個人騷。
Kendy就建議對方搞音樂節,將音樂、瑜珈、茶道大結合。
雖然蜜月與親友同行,Kendy亦有參加,笑言Alex朋友「夠搞笑」,「佢有個法國朋友,突然用廣東話唱『少林功夫好』,真係全場都好surprise。(合眼緣叫Alex介紹?)人地有家室喇,唔好搞呢啲嘢。佢嘅Wedding真係好正,我聽到佢話想要小朋友都幾Surprise,我突然覺得佢有外父相。」
原來Kendy亦有參加Alex的蜜月之行。
而Kendy剛從日本回港,完成當地兩場音樂會,「見到有好多香港人專程嚟聽,佢地好掛住廣東歌。我都寫咗篇日文嘅謝詞,以為會好緊張,點知講講吓都喊晒。今次見到當地好多美男子,不過就冇艷遇,希望下次去再開騷時,帶埋艷遇返香港就幸福啦!」
Kendy剛在日本完成兩場音樂會。
Kendy笑指今次冇艷遇,並希望下次去再開騷時,能帶艷遇返香港。