放盤出租有時都要人夾人緣，萬一遇人不淑可謂得不償失。有網民在「香港討論區」發文抱怨，2年樓齡的新樓放租予租客1年後，發現租客將單位多處門窗家電損壞，連新買的梳化也被人換了二手梳化，一大堆損壞相信要幾千元維修善後，租客卻抵賴最初入住已經是這樣，還威嚇業主如果扣起按金是犯法。
業主抱怨收樓後發現租客導致單位多處損壞，要花幾千元維修善後。Unsplash示意圖片
業主的太太發文指，租客只是租了1年，5月31日完約，6月1日晚收樓時交不齊鎖匙。業主又退了1個月按金的支票，7日後過數，現場講到明有野壞會取消票扣數，冇野壞票可入數。但收樓當日水電表、住戶証都還未取消，租客離開後卻急不及待問點解7日後才過數，完全忘記了現場巳清楚交代過安排。
太太講述，「現場簡單問佢（租客）間屋有冇咩問題，又話無，業主見到門鎖，窗有問題又唔出聲，一話水箱點解咁慢又識出聲」
太太講述，「現場簡單問佢（租客）間屋有無咩問題，又話無，業主見到門鎖，窗有問題又唔出聲，一話（嫌）水箱點解咁慢又識出聲」
到本月3日下午，業主上樓清潔才發現傢俬後面的電掣面板牆身，因為租客改動過，相信是安裝上網工序時導致，令到一排掣面板的牆邊爆開，電器、門鎖都有壞，多達幾處問題。
業主抱怨收樓後發現租客導致單位多處損壞，要花幾千元維修善後。示意圖片
她形容，「牆身，窗多處膠紙漬，正常常識會貼呢啲位置？地腳線上、電視櫃後、梳化後、窗簾後，正常人會貼牆行搞到大噠或一大行污漬？廁所鏡櫃下被熏黑晒。廁所白色洗手盤有色粉，整走啲粉，原來陶瓷盤有幾度黑痕，水塞又漏水，連廁紙個架都可以爛咗。廚房洗碗盤花到用咗廿年咁款。細件垃圾我清理咗，袋埋五大袋咗右（開門隔離就係垃圾房）十日用一次大門鎖好無？鎖柄鬆晒，鎖匙插入只可轉一面90度開門，唔可以另一方向反鎖，佢話一早係咁，正常人一早係咁唔出聲？洗衣機唔識用，唔攞說明書睇，洗衣途中機內有水都可以打開機門，開唔到，水連衫係洗衣機內幾日，要叫業主上門整。洗衣機附近木門板皮，我估因為洗衣液落得太多，有泡同水係機內漏出，木皮爆開晒，有一條直頭無埋，機身下部貼紙起晒角」
業主抱怨收樓後發現租客導致單位多處損壞，要花幾千元維修善後。Unsplash示意圖片
太太指，「依家要搵時間搵人上嚟報價維修，一上嚟就要收費，依家租客抵賴全部嘢佢一租就係咁，佢（說）未取消表同住戶証都唔影響業主，業主收咗樓兩日咩都有可能，對佢唔公平……」太太抱怨，「兩年新樓完好租畀佢， 依家佢話自己完全無問題，租咗一年無可能完好交樓，話業主取消支票扣數係開空頭支票，犯法」。
她又透露，一直無接觸過這個租客，「只知租客一早話我哋張新梳化唔好坐，要換，我老公又OK，到最後租客影相話有傢俱唔要，影相過黎睇，我張梳化仲係度，我自己一心諗住自己買的梳化收樓仲係度，所以連收樓時都無為意到，租客巳換走咗我張梳化，換咗張二手同色梳化」她怒批，「佢人為整壞都可以咩都唔認錯，信箱鎖匙都整唔見至少大半年，信一直放管理處，咁耐都唔識換返個信箱鎖，管理處電話經常唔聽，佢遲到成個鐘」。
