「AO黎明」冇官一身輕 60歲楊立門做全職歌手繼續追夢

Raymond雖然人到中年，但一啲都唔Out，最鍾意欣宜、林家謙同MIRROR！

「AO黎明」楊立門（前任發展局常任秘書長）（Raymond）於6年前提前退休，之後做咗幾年香港中華廠商聯合會行政總裁，月多前請辭，冇官一身輕的他，60歲繼續追夢！目前正趕緊為6月15日喺文化中心舉行嘅《楊立門的音樂回憶音樂會》綵排，雖然人到中年但仍緊貼香港樂壇，一啲都唔Out：「我最鍾意欣宜、林家謙，MIRROR都好正呀！」

「AO黎明」楊立門做全職歌手繼續追夢，而他好欣賞男團MIRROR。

楊立門月前辭去香港中華廠商聯合會行政總裁一職。

因為疫情關係，楊立門演唱會由去年押後到至今：「原先以為搞唔掂，因為限聚令只容許一半入座率，條數計落唔化算，好彩疫情緩和放寬到七成半觀眾，咁啱6月份文化中心有個期就嗱嗱聲擸住。」

楊立門於本月15日在文化中心舉行《楊立門的音樂回憶音樂會》，反應比預期熱烈得多。

楊立門對上一次開Show是2019年初，所以本月文化中心場館有期即搶咗先。

Raymond唔擔心疫情，「因為台前幕後會做晒核酸檢測，除咗我之外，幕後團隊同埋觀眾全部會戴住口罩，正如戲院開返，都冇出現過戲院群組啦！」最令他驚喜最貴嘅飛一早賣晒，可能觀眾餓咗演唱會好耐。他透露個唱邀得趙增熹客串伴奏幾首歌，仲有何婉盈及小龍女（龍婷）出任嘉賓。

楊立門曾參加1982年舉行的第一屆新秀歌唱大賽，但參賽期間獲政府取錄，只好退出比賽。

冇官職一身輕，楊立門笑得好開懷，仲話𠵱家可以自由自在做全職歌手。

另外，Raymond創作嘅兩首新歌《哀樂之年》及《she is my lady》會喺演唱會中首唱：「《哀樂之年》係帶點感慨，諗返以前我搏生搏死到底為乜？下半生我要同最愛安安靜靜咁渡過，依家算係最舒服狀態。我喺官場都效力咗幾十年，老人牌都拎埋，乜都夠啦，人係要有理想嘅，依家可以全職做歌手去追夢，好好享受人生。」

同Raymond好合拍嘅何婉盈及小龍女任表演嘉賓。

對於演唱會Rundown，Raymond說：「我會唱林子祥嘅《最愛是誰》、經典老歌《Longer》等。」問到好留意香港樂壇的他會否唱姜濤的《蒙著嘴說愛你》？Raymond笑說：「唔識唱佢嘅歌，因為未必啱我唱，我當然識佢，仲好欣賞MIRROR，因為Boy band邊唱邊跳好養眼。」另外，他也喜歡創作歌手林家謙及好唱得嘅鄭欣宜。

楊立門好欣賞MIRROR。

「姜濤香港後援會」連續第三年與香港電車有限公司合作，安排4月30日姜濤生日正日為電車免費乘車日。

4月30日是人氣男團Mirror成員姜濤的25歲生日，「姜濤香港後援會」（後援會）秉承偶像希望承擔更多社會責任，發放更多正能量的使命，連續第三年與香港電車有限公司（香港電車）合作，安排4月30日姜濤生日正日為電車免費乘車日，讓大眾可以免費乘搭電車出行，同賀姜濤25歲生日。

4月30日同賀姜濤25歲生日！

此外，「生日應援」當然少不了「姜濤號」電車， 今年共有3款不同款式的車身廣告遍佈於5架姜濤生日祝賀電車之上，5架編號分別為#47、#80、#140、#158 及 #171的「姜濤號」電車由4月3日起於街上行走，將在四月內於不同時段和路線隨機出現，與市民見面，提供一般載客服務。歡迎大家一起捕捉「姜濤號」，一起Fly me to the moon to the moon to the moon。

姜濤生日應援電車第一款 #47 #171。

姜濤2024生日應援電車第二款 #80。

姜濤2024生日應援電車第三款 #140 #158。

今年為「姜濤香港後援會」連續第三年贊助「4.30 免費乘車日」，於4月30日姜濤生日當天，「姜糖」邀請市民一起享受免費的「電車旅濤」。於熱門打卡勝地「姜濤灣」（銅鑼灣），大家可於銅鑼灣地帶及金百利外牆看到「姜濤生日月」大型應援廣告，與「姜叮」一同打卡。之後，大家可到皇室堡和以海洋王子造型亮相的小姜姜和小濤濤吉祥物合照。另外，東角LAFORET Happy Yarn亦有舉辦「小桃桃」慈善編織工作坊及於商場派發「Shining Keung To 限定卡」活動，實行走遍「姜濤灣」，同賀姜濤生日。

皇室堡「Keung To 430浪『濤』之旅」5大打卡位。

The ONE「Keung To 430 Shine On Stage」6大打卡位。

銅鑼灣地帶的大型廣告版

香港電車喜見本港歌迷響應偶像志向，乘偶像生日，繼續以行動關懷社會。香港電車祝願姜濤先生和香港電車一樣，未來不論晴天或黑月，都風雨不改，以簡單的愛為大眾打氣，為社會注入正能量！