Skip to Content Facebook Feature Image

男友稱家境差兼患抑鬱竟全屬騙局 港女不猶豫怒分手

社會事

男友稱家境差兼患抑鬱竟全屬騙局 港女不猶豫怒分手
社會事

社會事

男友稱家境差兼患抑鬱竟全屬騙局 港女不猶豫怒分手

2021年06月11日 10:47 最後更新:15:04

誠信在一段關係裡真的非常重要。有港女表示,與男友交往時得知對方家境貧困,亦因被同學欺凌而患上抑鬱症,但她都沒有嫌棄對方,反倒處處為他著想、不斷為他付出。日前男友突然表示有輕生念頭,樓主見狀便安慰他,怎料對方卻突然坦白事情始末,令樓主毫不猶豫、即時提出分手!

設計圖片

設計圖片

該名21歲港女日前在網上討論區「Dcard」上,以「男朋友講完當我結婚對象之後我秒分手」為題發文,指自己跟同齡的男友在仗兼職時認識並相戀;拍拖第一周,男友已表示家境很差,家住赤柱公屋,父親欠下一身債卻不肯去工作,全家僅靠母親打兩份工糊口。另外,樓主又指,男友因從小缺乏家庭關愛,以及中學時曾被同學欺凌而患上抑鬱症,但就表示已經痊癒、不用吃藥,但並未完全康復,「佢同我講驚拍拖累咗我,話趁而家感情仲未深厚,我要走嘅話佢唔怪我」。

男友稱自己家境差,而且患上抑鬱症,一年後竟向樓主坦言一切全屬「考驗」。《29+1》劇照

男友稱自己家境差,而且患上抑鬱症,一年後竟向樓主坦言一切全屬「考驗」。《29+1》劇照

不過,樓主聞言後並無嫌棄男友,更指是真心喜歡對方,「我同佢講我會畀到你幸福」。隨後二人交往一年多,每次外出用膳,樓主都會「拉佢食平嘢之後AA(制)」,即使是紀念日也沒有要求男友請客食貴價飯,或送價值超過150元的禮物;但男友生日時,樓主為了讓對方開心,會預訂「最好嘅酒店、最好嘅餐廳」。由於男友患有抑鬱症,樓主亦會主動搜尋相關資料學習跟對方相處,每次男友有不開心時,她都會陪伴左右、聆聽對方的話,亦不敢刺激對方。

設計圖片

設計圖片

樓主表示,一直很慶幸對方一年來沒有試過情緒病復發,但到日前某晚,男友突然在家崩潰大哭,更衝出露台表示想輕生,樓主見狀立即抱住他加以安慰。怎料10分鐘後,男友入房表示已決定將樓主當成是結婚對象,並坦言之前所說的「家境不好」、「患有情緒病」全屬虛構,一切只是對樓主的考驗。

男友透露,自己實際上住在赤柱私樓,家中不愁衣食住行,而他本身亦沒有被同學欺凌或患抑鬱症,「佢覺得過埋熱戀期、經過呢啲考驗,另一半都唔離開佢嘅話就值得娶,仲話佢屋企人決定送第二間屋畀佢住落佢名,叫我同佢一齊同居。」

設計圖片

設計圖片

雖然男友突然來個「大翻身」,但樓主當時卻感到相當氣憤,以家人作借口,要求男友立即離開,隨後傳訊息向對方提出分手,「佢呃足我一年幾,我真係頂唔順,我覺得佢雖然冇情緒病但有精神病!仲有考驗呢一樣嘢究竟係幾冇信任、幾冇安全感先做得出?」樓主透露男友後來不斷道歉, 「佢話如果我分手就冇可能搵到一個21歲就有樓揸手嘅男人,之後我同佢講如果我嗰日貪佢啲錢就唔會同佢喺埋一齊、唔會Pass(通過)佢考驗」,怒罵男友是「自相矛盾」,對方隨後亦封鎖了樓主。

帖文引起網民熱烈討論,不少人都批評樓主男友的「考驗」欠缺尊重及信任,認同樓主分手的決定,「疑心咁重,拍落去都冇好結果」、「我諗都係有錢人疑心特別重,以為錢能夠買到人嘅關係同感情」、「自我中心究極體,真係有錢大晒?」、「佢當自己王子選妃咩,考乜驗仲要考一年,扮窮都算,扮有情緒病又扮自殺佢真係有病」、「不論男女都好,只要係講大話,就一定唔可以原諒,即使係普通朋友都要互相尊重同信任,更何況係男女朋友?」。

資料來源:「Dcard」

往下看更多文章

婚後供養同住奶奶大伯卻遭針鋒相對 港媽更因丈夫1反應感無助

2024年03月28日 12:35 最後更新:14:54

港媽婚後要與奶奶及大伯同住,剛要負擔家中大部分開支,但兩人不但不體諒更處處挑剔,令她心情抑鬱。

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

該港媽於「親子王國」討論區以「結咗婚,就要養埋99同大伯?」為題發文大呻,表示婚後夫妻二人與奶奶及大伯同住,原本以為這樣的生活會和諧平穩「其實2公婆,大家做咩職業,搵幾多,冇計,只要大家互相支持,開心平淡生活就ok。一直抱住咁心態,所以結婚就同99,大伯住」。

不過相見好同住難,日子耐了,樓主開始發現奶奶及大伯的言行和性格令她感到極度困擾「住落佢地自己咩都係岩,人地永遠都為錯」。她指兩老經常以燒味或燒烤醃製的食物當晚餐,但當她購買外賣時,卻被批評不健康「我跨區返工,返工連車程都成12個半鐘,真係冇時間煮飯買餸」。樓主又憶述,新年時,娘家的親人到訪拜年,奶奶及大伯竟當面嫌棄親人準備的禮盒「喺我面前話唔鍾意,一d都唔理人感受」。

(Getty圖片)

(Getty圖片)

此外,樓主夫妻除了支付家庭的租金、水費、電費和上網費等基本開支外,還需要支付給奶奶湊孫的費用。相比之下,大伯只支付不到家庭開支的五分之一,這讓港媽感到相當不滿和委屈「我咁辛苦返工,要養一d唔適體諒,永遠都話你點點唔好既人,值得咩?」

雖然樓主與老公有能力搬出去住,但老公擔心兩老無法自理而拒絕搬離「我地2公婆絕對有能力自己搬出去住,只係剩返99同大伯,老公擔心佢地攪唔掂自己,所以暫時唔想搬開」,為此她感到非常抑鬱「真係好辛苦,努力辛苦返工,就係為佢地付出,值得咩?我又唔想決絕到自己帶亞b走。可以點做?」

Getty圖片

Getty圖片

帖文曝光後,不少網民認為如果有能力,就不應該繼續同住。奶奶及大伯都是成年人,應該能夠自理,而且可以考慮搬到附近,方便照應。有人認為只要每月給予固定的家用,就不算不孝。有人則建議她應該堅持自己的決定,不要忍受不公平的對待,並且應該與老公好好溝通,找到解決問題的方法。

帖文來源:「親子王國」討論區

你 或 有 興 趣 的 文 章