搭輕鐵斥「屯元天」人低劣網民揚言「未見過港島人咁無禮」

社會事

搭輕鐵斥「屯元天」人低劣網民揚言「未見過港島人咁無禮」

2021年06月11日 16:36 最後更新：19:40

城鄉歧視？

有網民發文揚言，搭過輕鐵後覺得新界西北的市民質素特別差劣，「未見過港島人會咁無禮儀」，言論激起網民激烈爭議。

網民在「香港討論區」發文，指讓車卡內的乘客出車卡先是基本禮儀，「但屯元天班友，十個有八個都X衝入車卡搶位，唔會理會仲有人排隊出緊。港島坐鐵，未見過港島人會咁無禮儀」。

網民更指，「真係好有人酸(餿)，男女老幼都係咁，成班『生蕃』，慌死蝕低，垃圾廢輕鐵有位都唔坐啦，都唔知上手有無俾廢X坐過，見過坐輕鐵啲廢X廢X，成身酸餿味，幾日無沖涼，衫又唔換」

他更聲稱有朋友問，上車找屯門元朗天水圍樓，「我話你接受到文化低劣人種社區就去馬，如果你住開港島，屈就搬入屯元天，見到坐鐵班『生蕃』，你實後悔。」

不少網民都反駁，「樓主咁高質做咩要同口中嘅生蕃一齊搭輕鐵呀」、「其實全港所有鐵路買餸時間都係會咁」、「奇怪?甘X高尚，點解唔叫uber?」、「坐輕鐵迫嘅情況同坐地鐵太子站轉車差不多，咁九龍區啲人係咪又質素低? 樓主條命咁高尚，質素高，點解要同質素低嘅去迫車?...千其唔好搭任何公共交通工具，有質素好低架」

不過也有人和應「除了大聲嘈吵同埋追逐之外，我仲見過有家長帶小朋友係輕鐵車廂痾尿」、「所以我成日都話住港島區嘅人系有質素，行出嚟係有優越感」。

帖文轉載自《坐程輕鐵，就知屯元天d人質素真係太低》

往下看更多文章

港女會計師「連續工作68小時」過勞暈倒更思覺失調親弟勸考生：不要入行！

2024年04月20日 12:30

港男揭其任職會計師的姐姐，因連續工作68小時，過勞暈倒入院，更疑對方患上思覺失調而做出瘋狂行為。

女會計師連續工作68小時，過勞暈倒送院

該港男於連登討論區以「家姐做會計做到入醫院」為題發文，表示其任職會計師的姐姐因長時間工作，導致嚴重睡眠不足，而過勞暈倒入院「連續工作68小時，一星期夾埋只瞓8個鐘，執定啲衫去公司住三個星期，最後暈咗入左醫院⋯ 喺醫院醒返第一樣嘢係繼續做嘢」。

弟弟爆料姐姐瘋狂行徑

樓主又懷疑姐姐因工作關係，而患上思覺失調，指對方精神失常，經常做出種種瘋狂行為：

「有次佢食飯發現自己食咗七分鐘，佢唔開心到爆喊，因為平時食三至四分鐘就食完，佢覺得浪費咗三分鐘，之後佢就好討厭食嘢而家勁瘦」

「佢而家為左慳時間一日淨係食一餐，其他都係咁食啲有營養嘅嘢，例如豆漿當一餐」

「有次佢腸胃炎，佢直接搬張枱同電腦，去廁所一邊屙屎一邊做嘢」

弟弟警世：唔好做會計

樓主透露姐姐並非在知名的四大會計師事務所（BIG 4）工作，而是在其他公司擔任會計師，但工資並不算高。姐姐入行後期望能夠在幾年後輕鬆一點，但卻因工作量過大，最終令身心健康造成嚴重影響。他又對勸告應屆考生不要入行「奉勸各位DSE生，唔好做會計！」

網民勸：辭工休息吓，再轉行

帖文引熱議，不少網民建議樓主勸姐姐辭職「如果喺真事⋯我覺得叫你家姐辭工休息吓，再轉行」、「我都係咁話，辭職，命仔緊要」、「見過唔少真係死讀書既人﹐比人恰到上心口都只係硬食﹐不過樓主個案太極瑞﹐正常去到呢刻一定辭職」、「佢呢個情況真係要辭職抖下，抖一排再重新出發」、「健康自己manage啦，要訓就要訓，要食就要食，捱壞左冇人可憐」。