*

upload_article_image

陳自瑤棄靚樣 演崩潰師奶震驚香香

  (星島日報報道)無線綜藝節目《好聲好戲》收視跟口碑強勁,第一季總冠軍由陳自瑤奪得,再次證明實力不容忽視。劇集《寶寶大過天》即將播出,話題除了岑麗香產後首部作品外,陳自瑤(YoYo)飾演情緒經常處於崩潰邊緣的媽媽亦成為焦點,絕對是演技大考驗!
  早前劇集在鰂魚涌拍外景,岑麗香(香香)在街頭推着BB車貫徹靚媽形象,對比下YoYo就樸素得多。隨後轉到餐廳內進行拍攝,劇中不修邊幅的YoYo狼吞虎嚥邊食邊鬧,實在入型入格。香香大爆幕後都對YoYo的演出讚不絕口,自己亦非常欣賞對方。
  岑麗香透露劇情是兩名媽媽相約食飯,大吐湊BB的苦水。香香笑笑說:「其實做媽媽好多時都好忙,忙到唔夠時間食嘢,甚至乎食唔到嘢,好多時都係買外賣,因為有時慢一分鐘都可有意外發生。」
  提到YoYo劇中造型十分「搶鏡」,香香說:「我好欣賞YoYo,因為佢預咗個造型係好貼地,比較不修邊幅一啲。劇入面我有一個比較乖嘅3歲小朋友,而YoYo劇入面佢有兩個仔係好頑皮,佢個角色係好忙、好辛苦,仲要兩個仔又頑皮,仲會喺媽媽面前講一啲好難聽嘅說話。劇入面佢係一個好繁忙嘅媽媽,拍攝嘅時候大家都覺得佢做得好好、好逼真。」
  事實上, YoYo一路走來都有不少出色作品,曾演出的《黃金有罪》及《那些我愛過的人》亦有相當高的評價,最近更於綜藝節目《好聲好戲》奪得總冠軍,聲色藝俱全。無奈焦點很多時都放在她跟王浩信的婚姻上,她說:「其實我一路都有拍劇,劇與劇之間都會隔一段時間,而自己又比較少做綜藝節目,所以大家好成日隔一段時間先見到我。」提到香香透露台前幕後都讚揚她的演繹,她笑笑說:「開心嘅,呢個角色我都好鍾意,同我之前演過角色都好大反差,呢個角色好淡妝,唇膏又唔搽,頭又好亂,成日都亂七八糟,但我覺得演員應嘗試唔同角色,畀觀眾睇到唔同嘅你。」

往下看更多文章