*

upload_article_image

八卦操足泥搏殺

  今日跑十一場賽事安排了六草五泥,草地用C+3跑道,此欄有利前置主動型馬。至於泥地狀況則要臨場先知,但經驗告知採取主動的馬多數佔有優勢,尤其五場全跑千二短途,因此筆者兩匹精選都係前置主動型馬,包括「八卦」和「紅鬃烈馬」。
  第四場第四班一二○○米草地:「紅鬃烈馬」今季唔再急、唔再癲,演出脫胎換骨,頭三仗悉數上名,在383場次入Q不敵超級馬「勝得威風」。大前仗「紅鬃烈馬」終坐正,看似贏得驚險,實則頭兩段快開跟前不利,相對依然頂到尾了不起。事實上,此駒跑出的時間快到不得了,亞季軍「魅力星光」及「財駿」之後亦補中,後駒甚至贏完再在三班上名。
  「紅鬃烈馬」前仗熱倒或因彎位受困,亦可能續跑谷草失新鮮感,姑勿論如何,上仗跑番田草再入Q,今次再無超級馬「八仟師」,換來一批大多未贏過超弱對手,既識贏並正值勇境的「紅鬃烈馬」,儼如鶴立雞群。
  第五場第四班一二○○米泥地:「八卦」上季初一再熱灶,跑到第五仗票冷先至得手,贏完之後三戰得個近字,期間更因傷唞兩個半月,估唔到七月復出,初跑泥地又建一功。
  「八卦」泥地性能比草地好,今季首戰搵周俊樂減磅,結果不負所託勝出跨季孖寶,不過之後此駒再次受傷,十一月初拼後唞了近四個月,儲足體力之馬來到季尾好使好用。正如復出後第二仗,「八卦」在595場次跑直路賽竟然上名,亦是首次在三班跑入三甲。今次「八卦」一心一意落四班搏殺跑番最強路程,試閘辣操亦反映一切,仲要同主「八進」剛好齊落班,賀賢確實計算精確。

往下看更多文章