節哀順變。
人氣男團MIRROR成員Anson Kong(江𤒹生)是出名的貓奴,家中養了多隻貓貓,他不時都會在社交網站分享和愛貓的相處點滴,可惜他其中一隻愛貓、13歲的「豬仔」於前日(11日)離世。
AK先在IG限時動態分享拖着豬仔的黑白照,並留言:「再見豬仔,謝謝13年的陪伴,先去搵叮叮同波子哥哥團聚先,我哋遲啲彩虹橋再見。」
收拾心情後,AK昨晚(12日)在社交網站貼出多張豬仔的照片,並發長文悼念愛貓,「再見了Ger豬仔,昨天(前天)你畢業了,謝謝你這13年來一直成為我家的小胖天使,記得是媽媽的一次清潔工作,碰巧當時客戶養的貓剛剛生了幾隻貓寶寶,但又養唔哂咁多隻,我媽說:不如這單工作不收你們錢,可以給一隻我們養嗎?客戶都馬上答應,我知道這是我們媽媽做過最開心的一次工作。」
View this post on Instagram
AK又憶述兩年前豬仔生病的情況,他指當時豬仔忽然出現行動困難的情況,檢查後發現可能是腦癌,但因為豬仔年紀大,無可能承受高風險手術,他們嘗試過不同的方法,例如食療和針灸,「每日見住你好辛苦,當時都會問自己係咪太自私,只係想你盡量留係自己身邊耐啲,但忽略咗你嘅辛苦,我每晚都會抱住你問你 ,係咪好攰?嗰身係咪好痛?如果你唔想撐落去要話俾我地知 但你每次都會用你最大力度拖實我隻手指 所以我知道你仲想打呢場仗」。經過半年的努力,豬仔奇蹟復原,獸醫當時表示豬仔可能是中風而不是腦癌。
不過,生命終有完結的一天,最後AK表示:「呢兩年每一日嘅相處對我們來說已經是bonus,你很乖,真的很乖,呢十三年你陪的成長了很多,很抱歉 一直說想為你們拍片,都遲遲未做,最近有人聯絡咗想幫我們影一張全家福,我也答應了,但遺憾你不能參與了,但好多謝節目組最近嘅片段有一段仔是我和你的回憶,我會好好記住,多謝你嘅出現,令我們屋企咁幸福,我地會好掛住你,放心係彩虹橋度跑,去搵波子哥哥同叮叮細佬玩先,嗰度有好多罐罐,我地遲啲再見,或者希望以另一種方式再續前緣。」