不少雙職家庭都會聘請外傭，幫忙打理家務及照顧小朋友。近日有女網民於社交網發文指，工作約6年的外傭決定離港回鄉，在機場大堂與其一家人道別時，該網民的一對子女與外傭姐姐相擁落淚，不捨對方離開，場面感人。
外傭工作6年回鄉，與少主於機場大堂相擁淚別。外傭僱主必看新聞訊息FB圖片
該女網民於Facebook群組「外傭僱主必看新聞訊息」發文指，工作約6年的外傭決定離港回鄉，並表示對外傭姐姐的不捨，「真係好唔捨得，小朋友更加唔捨得」。樓主透露，外傭姐姐已工作6年，雖「話長唔長短唔短」，但姐姐卻由樓主的女兒滿月湊到六歲，更形容「姐姐比我更加悉心照顧，教佢英文教佢計數，陪佢哋玩」。
樓主讚外傭姐姐勤於學習，「廣東話由唔識，變到識聽又識講」，而且又會經常烹飪新菜色，亦十分愛錫其一對子女，一家人與姐姐之間感情深厚，「已建立信任，感情，習慣像家人一樣」。樓主更憶述女兒曾問姐姐，「你返咗印尼，如果我唔舒服，你會唔會嚟睇我？」，姐姐聞言亦不禁落淚。
外傭工作6年回鄉，與少主於機場大堂相擁淚別。外傭僱主必看新聞訊息FB圖片
樓主又分享一家人在機場送別姐姐的照片，相中姐姐與少主更在離境大堂相擁而淚，「小朋友都喊到七彩唔畀姐姐走」，場面既感人，又令人心酸。不少網民看後，都紛紛留言指，「證明妳工人真係好錫佢，呢啲係愛的表現」、「難得好姐姐，祝福她幸福美滿。」、「能夠建立咁深厚嘅感情，絕對唔係「好彩」兩個字可以解釋到」。
資料圖片
資料圖片
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
