*

孖ERROR盧覓雪齊拍廣告 古天樂又唱又跳勁玩得

古天樂(古仔)上月中到九展欣賞MIRROR尾場演唱會,騷後ERROR成員193更成功向古仔「集郵」隨後在個人社交網上載古仔搭着他肩膊影的合照,並留言:「知我咩料啦。」即引來不少網民熱議。估唔到話咁快193就有機會同古仔合作,趁住今日端午節假期,古仔、ERROR四子、以及盧覓雪(雪雪)分別在社交平台上載了合作拍攝廣告片段。

【小心笑死】同ERROR盧覓雪Agent L.齊拍廣告   古天樂瘋狂跳舞勁玩得

193扮巨星出場話Agent L.係佢「實Q」,仲講埋招牌對白:「知我咩料啦!」

【小心笑死】同ERROR盧覓雪Agent L.齊拍廣告   古天樂瘋狂跳舞勁玩得

肥仔望住鏡頭話:「咁黑都怕熱嘅!?」明窒古仔即畀對方拍面。

【小心笑死】同ERROR盧覓雪Agent L.齊拍廣告   古天樂瘋狂跳舞勁玩得

雪雪出場問,「係咪熱呀?邊個要雪雪?」大家齊指住古仔。

片段甫開始見肥仔瞓在地下大叫「好熱好熱」,然後見保錡敷冰、Agent L.(《ERROR自肥企画》導演曹梓冲)繼續以黑衫黑褲黑超扮晒「實Q」造型現身,193施施然揸住風扇出現話:「冇錯!佢就係我『實Q』,feel到啦!知我咩料啦!」扮晒巨星出場。畫面一轉就見到古仔坐在雪櫃隔籬吹住風扇問193,「咁你又知唔知我咩料呀?肥Doi,去開冷氣。」肥仔即望住鏡頭話:「咁黑都怕熱嘅!?」明窒古仔,古仔即用手拍打肥仔塊面,之後雪雪出場問眾人,「係咪熱呀?邊個要雪雪?」ERROR及AgentL.一齊指住古仔。雪雪興奮走向古仔身邊,古仔一邊笑一邊無奈講:「真係正到不得了!」眾人即起哄叫古仔熱就除衫,搞到古仔反問:「咩廣告嚟㗎,成日叫人除衫。」

- 閱讀更多 -

往下看更多文章