孖ERROR盧覓雪齊拍廣告 古天樂又唱又跳勁玩得

古天樂（古仔）上月中到九展欣賞MIRROR尾場演唱會，騷後ERROR成員193更成功向古仔「集郵」隨後在個人社交網上載古仔搭着他肩膊影的合照，並留言：「知我咩料啦。」即引來不少網民熱議。估唔到話咁快193就有機會同古仔合作，趁住今日端午節假期，古仔、ERROR四子、以及盧覓雪（雪雪）分別在社交平台上載了合作拍攝廣告片段。

193扮巨星出場話Agent L.係佢「實Ｑ」，仲講埋招牌對白：「知我咩料啦！」

肥仔望住鏡頭話：「咁黑都怕熱嘅！？」明窒古仔即畀對方拍面。

雪雪出場問，「係咪熱呀？邊個要雪雪？」大家齊指住古仔。

片段甫開始見肥仔瞓在地下大叫「好熱好熱」，然後見保錡敷冰、Agent L.（《ERROR自肥企画》導演曹梓冲）繼續以黑衫黑褲黑超扮晒「實Q」造型現身，193施施然揸住風扇出現話：「冇錯！佢就係我『實Ｑ』，feel到啦！知我咩料啦！」扮晒巨星出場。畫面一轉就見到古仔坐在雪櫃隔籬吹住風扇問193，「咁你又知唔知我咩料呀？肥Doi，去開冷氣。」肥仔即望住鏡頭話：「咁黑都怕熱嘅！？」明窒古仔，古仔即用手拍打肥仔塊面，之後雪雪出場問眾人，「係咪熱呀？邊個要雪雪？」ERROR及AgentL.一齊指住古仔。雪雪興奮走向古仔身邊，古仔一邊笑一邊無奈講：「真係正到不得了！」眾人即起哄叫古仔熱就除衫，搞到古仔反問：「咩廣告嚟㗎，成日叫人除衫。」

眾人起哄叫古仔熱就除衫，古仔反問：「咩廣告嚟㗎，成日叫人除衫。」

之後古仔真係有除衫，不過冇嘢睇！

另一短片中，他們全數換上夏威夷裝，又唱又跳，古仔相當玩得，除了同盧覓雪攞住砂槌對跳外，自己又舉晒手扭晒腰咁跳，而193更扮古仔名曲《今期流行》中大跳的拜神舞動作，即被古仔一腳踢開，而片中所見，古仔似乎特別鍾意撩肥仔玩，親自從後捉住肥仔外，見193捉住肥仔時，古仔又拎住沙槌打肥仔個大肚腩，相當搞笑。最後跳完一輪，古仔叫Cut拉隊收工，肥仔大叫：「我請食沙律。」193在IG再提古仔寫道：「而家知Koo Tin Lok咩料喇，連我實Q都搶埋。Alfred Cho（Agent L.）你唔實Q我，會唔會好冇安全感？」阿Dee則在IG留言：「作為一個演員，無時無刻都要準備好，古生今次可能係嚟casting㗎！上大銀幕指日可待。」連Agent L.也在IG出post：「第一次見到古生真人Not Secured！」

古仔跟ERROR夏威夷裝瘋狂跳舞。

ERROR負責唱埋廣告主題曲。

古仔扭晒蛇腰跳舞勁搞笑。

古仔好風騷跟雪雪攞住砂槌對跳。

ERROR扮埋女人大跳草裙舞。

193扮古仔名曲《今期流行》中大跳的拜神舞動作，即被古仔一腳踢開。

古仔鍾意撩肥仔玩，見193捉住肥仔時，就拎住沙槌大打肥仔個大肚腩。

古仔首度跟ERROR合作，大家齊齊搵真銀拍廣告。

Sammi差不多每年都為杜sir慶祝生日。

前日（4月22日）是導演杜琪峯69歲生日，每年#鄭秀文（Sammi）都會為恩師慶祝，今年也不例外。昨日（4月23日）Sammi在IG分享飯局照片，同場還有杜太、 鍾楚紅、古天樂 和張叔平等。鍾楚紅臉色紅潤保養得宜，非常搶眼，而杜太則換上一頭銀色短髮，十分有型格！

鄭秀文（Sammi）在IG分享與導演杜琪峯慶祝69歲生日的飯聚合照。

照片中還有杜太、鐵腳古天樂和鍾楚紅等，十分融洽溫馨！

Sammi表示：「認識杜sir，踏入第廿四年。一切由「孤男寡女」開始。廿四年，仍是感恩感激並感謝遇上。昨天是他生日之「聚」。生日快樂，杜sir。」Sammi以hashtag逐一介紹飯局的好友，包括「正在拍攝新戲的杜sir」、「剪掉長髮的能幹杜太」、「一天食一餐的古仔」（古天樂）、「忙於電影剪接的阿叔」（張叔平）、「繼續養尊處優的紅姑」（鍾楚紅）、「活躍勤奮的幕後elaine」、「思想天馬行空的Mi」（Sammi自己）。

Sammi與杜sir交情極深。

Sammi還踢爆古天樂一日食一餐，為保持身型好有紀律。至於形容杜太黃寶玲能幹，圈中早已聞名，她一直是杜Sir的賢內助，並且投資有道，過去喜歡買車位和工廈，曾於2015年以德富寶有限公司（Toprich Bless Ltd）董事名義，豪擲約2,000萬元購入觀塘華寶中心13個車位。2017年古天樂以5,000萬元購入她持有的觀塘潤承大廈工廈單位，可見杜太投資眼光獨到！

杜太黃寶玲（右）更是鮮有曝光！