*

出道整年冇收入 細貓硬住頭皮上:希望All In闖樂壇

2018年參加ViuTV《全民造星》並打入十強的細貓(應智越),去年在韓國慶熙大學後現代音樂系畢業後,回港自組工作室正式出道。一年多時間已經推出5首歌,當中亦有份參與創作,不過細貓依然覺得作品未夠多,希望可以All In一切闖樂壇!   

【頭條獨家】出道一年冇錢賺阿媽救濟   細貓搵定工幫補使費

細貓無論唱歌、跳舞定作曲都有一定能力。

細貓目前專注擅長嘅跳唱,「上年比較似唱作人,今年想有返固定風格,最好每3、4個月就有新作品,等大家都記得細貓嘅跳唱快歌!」

【頭條獨家】出道一年冇錢賺阿媽救濟   細貓搵定工幫補使費

細貓去年畢業於慶熙大學後現代音樂系。

疫情下出道影響比想像中大,細貓亦要屋企人幫手維持生活,「以前我喺內地做練習生有食宿資助,讀書時期亦唔需要用到屋企人嘅錢。返到香港出道,疫情一波接一波,安排好嘅工作完全Cut晒,開始要靠積蓄同家人幫手。冇諗過影響係咁大,只可以硬住頭皮上。」細貓又坦言出道後冇賺錢機會:「呢一年完全冇收入,就算有少少,都拎去做歌或者投資喺公司。上年過咗跳舞群組之後情況好咗,但我怕疫情又爆,都想搵定工幫補使費。」

- 閱讀更多 -

Tags:

往下看更多文章