《死因有可疑》今晚首播　方力申封張秀文：最陰濕隊友

TVB全新燒腦綜藝節目《死因有可疑》將於今晚10時半至11時15分首播，為了增加觀眾投入感，節目期間會顯示「緝兇」QR Code，觀眾只要掃一掃即有機會參與估兇手遊戲並贏取獎品。

眾人為尋找真兇傷盡腦筋。

眾人需投選心目中真兇。

扮演偵探的方力申，笑指自己好蠢。

《死因》雖只是五集「實驗性」綜藝節目，但製作相當用心，單是度身訂造道具已超過200件，全部細節位一絲不苟，從無變有，而節目班底亦全數起用新一代製作人，導演Marcus是經內部調職後初試啼聲，編劇阿智則曾參與TVB綜藝節目《學是學非》創作。阿智向來熱衷查案遊戲，故膽粗粗毛遂自薦，豈料獲首席創意官王祖藍一Take通過，「其實我預備咗5個論點說服佢哋畀我試，點知祖藍一聽個idea就話OK。同埋佢問我點解第一個單元想拍校園，我話因為女藝人著校服好睇，佢深表認同之後就冇再干涉過。」據知阿智的劇本更是在高層零改動情況下進行拍攝，自由度極高。

游嘉欣校服Look 好Pure。

何廣沛飾演「校草」。

郭子豪飾演「體育老師」。

對於試映會有人質疑參與藝人狀態過於輕鬆，Marcus解釋：「係設計嚟，我哋想呈現佢哋最真實一面畀觀眾睇，演員喺鏡頭面前會有包袱，所以我叫佢哋用最relax狀態去做，最好互寸，好似平時同朋友玩緊咁」他又指祖藍更大派定心丸，表明冇收視壓力，「佢話得㗎喇！最緊要畀心機，拍得開心，盡咗力已經足夠。」對於導演狠心在拍攝時冇take two，參與藝人雖一再埋怨，但張秀文笑指整個合作過程好開心，「我哋拍嗰陣覺得好好玩呀！一嚟又要用腦，二嚟又要防人，好投入好enjoy，所以我有信心觀眾會睇得開心！」方力申則大爆張秀文是導演之外「最陰濕」的隊友，「佢勁係勁在，係唔係都呃我哋，所有嘢都唔知真假。」

劉佩玥飾演「老師」。

節目導演Marcus（左二）與編劇阿智（中）。

飾演「校花」張秀文被方力申封為「最陰濕隊友」。

原來方力申係Big Boss張頴康嘅幕後代理人！

由劉家豪總監製、陳志江監製、岑國榮、孫浩浩擔任編審的《逆天奇案2》，逢周一至周五晚八點半翡翠台播映。昨晚（19日）一集劇情有重大推進，原來冠峰（方力申飾）是失了憶的魏子樂（張頴康飾）幕後代理人兼狂熱粉絲，在暗網以Perses身份幫助子樂執行復仇計劃！

小方身份曝光，原來佢係Big Boss張頴康嘅幕後代理人！

兩人年輕時已經認識。

兩人年輕時已經認識。

冠峰與子樂年輕時早已認識，兩人透過 Online Game結為好友，冠峰與爸爸（黃子雄飾）住在荒島時，感到生活既苦悶又壓抑，後經思想極端的子樂洗腦、殺掉自己的「痛苦根源」—親生父親，並重獲自由返回城市，自此冠峰便將子樂奉若神明。後來受盡喪妻之痛的子樂，在暗網聯絡冠峰，要求冠峰代為執行報仇計劃；惟子樂後來腦部缺氧導致失憶，冠峰便借協助O記查案為名、近距離接觸子樂為實！另邊廂，電腦奇才天祖（高鈞賢飾）與女友Ana（馮盈盈飾）協助警方凍結Perses的資金鏈，成功阻止Perses執行恐襲。冠峰深感自責之際，發現外國研發了一種新藥可以加速修補大腦受損部位，遂希望以此藥喚醒子樂記憶……..

小方借協助警方為名，接觸張頴康為實。

張頴康「洗腦」搞到小方弒父。

形象正面的小方今次罕有飾演反派，演出令人眼前一亮；小方今次演出的難度位，在於要在「理性睿智」Mode和 「狂熱信徒」Mode之間不停切換。小方「理性睿智」Mode時表現冷靜沉實，但當切換成「狂熱信徒」Mode時，小方則會頃刻變得理性盡失兼躁狂。昨晚一場小方VS高鈞賢、馮盈盈的網絡大戰， 一拳難敵四手的小方節節敗退，期間激動得爆汗不特止，更谷到額頭青筋盡現，「瘋癲」指數爆標！

小方幫張頴康報仇係為咗報恩。

呢場電腦大戰，小方爆晒汗兼爆晒青筋，「癲」味勁濃。

與張頴康獲封螢幕CP
講到劇中真正身份終於揭盅，小方受訪時笑言：「依家觀眾唔使再估喇！劇中子樂係冠峰唯一嘅朋友，佢係幫我脫離爸爸魔掌嘅人，所以當正佢係恩人，我要報恩幫佢完成報仇大計。」小方坦言角色很有挑戰性：「最難係要諗點樣鋪排，始終唔想脫離角色性格太多，唔想做得太過火，又想有意外驚喜帶到畀觀眾。呢個角色平時嘅情緒係比較平淡、冷靜嘅，但因為成長背景搞到性格有啲缺憾，所以有時會失去理智，要選擇『跳掣』嘅時機係最難嘅。」講到與張頴康非常合拍，更被笑指是CP，小方說：「同佢合作得好開心，大家都希望每一場戲觀眾都睇得開心，我哋兩個都會有商有量去傾點樣做好啲，佢係一個相當專業嘅演員，希望將來可以再合作多啲！」

呢場電腦大戰，小方爆晒汗兼爆晒青筋，「癲」味勁濃。

小方發現咗新藥可以幫到張頴康，睇嚟二人之後同警方仲有一番龍爭虎鬥。