當年選港姐為全港盛事。
《2021香港小姐競選》第二輪面試已經完成,選港姐通常最為吸引的部份必定為問答環節,可以看到佳麗急才之餘,又可以睇到她們與司儀互動,因此出現過不少經典場面。當中最為經典的相信是1992年的港姐決賽,當了除了有曾志偉、陳欣健同鄭丹瑞外,更有周星馳做司儀。
於當年的最後五強問答環節中,周星馳的無厘頭IQ題令當時的包括冠軍盧淑儀等5位佳麗束手無策。
周星馳的第一條問題就先聲奪人: 「讀完香港大學要幾多時間?」季軍的張雪玲就答:「3年。」豈料周星馳則指她答錯,他指:「係一秒都唔使,香港大學4個字!」之後他再問:「點解華盛頓斬完棵櫻桃樹,佢爸爸唔即時責罰佢!(答案:當時華盛頓手上仲有把斧頭,爸爸驚個仔用斧頭劈佢)」、「有人一手喺14樓推部冷氣機落樓,點解部冷氣機即刻變咗『空氣』?(答案:殺人兇器)」然而卻無佳麗敢答問題,因為怕答錯會扣分。
最後周星馳問:「一加一等如幾?」盧淑儀則冒險合:「二。」終於答出正確答案。正如《食神》對白所言:「畀你估到我仲叫食神!」
觀看相關影片按以下畫面: