Skip to Content Facebook Feature Image

囝囝偷買遊戲機母退款不成報警 警化解:折現消費卡違法

社會事

囝囝偷買遊戲機母退款不成報警 警化解:折現消費卡違法
社會事

社會事

囝囝偷買遊戲機母退款不成報警 警化解:折現消費卡違法

2021年06月17日 16:43 最後更新:16:46

不可理喻。

資料圖片

資料圖片

澳門一名操非流利廣東話的婦人昨日到一間電子遊戲產品店要求退款,稱其兒子擅自使用政府派發的消費卡到店內分期付款買遊戲機,指兒子未滿18歲要求退款,店家拒絕退款後,婦人之後報警,警員到場後,表明折現消費卡是違法才擺平糾紛。

Facebook專頁「Metro 大都會」發文,指昨日早上一名鄉音婦人剛開門就手持單據到場,稱「依張單係我個仔無問我批唔批准就攞佢自己張消費卡每日嚟分期買遊戲機,如果我知道呢一定唔畀佢買嘅,咁我個仔又未夠十八歲,你又係我唔批准嘅情況下賣機畀佢,咁我依家想嚟退返錢。」

澳門政府向市民提供消費卡。網上圖片

澳門政府向市民提供消費卡。網上圖片

店家拒絕後,婦人又堅持「咩無得退呀?我買襯嘢都有得退,點解無得退呀?我個仔無問過我畀唔畀佢買,我依家唔畀所以你要退錢。」店家解釋「你同你個仔之間點溝通其實唔關我事㗎喎。」

婦人不忿於是報警,警員接報到場後,婦人表示「我個仔係度用消費卡買遊戲機,我又唔想佢打機,驚佢掛住打機唔讀書,所以嚟呢度想退錢,因為呢間鋪明知我個仔唔夠十八歲,又賣機畀佢」警員隨即打斷問是否兒子自己用自己的消費卡,警員表明「咁呢啲係正常商業交易,無問題㗎喎,你做乜報警呀?」

婦人仍然堅持因兒子未成年,警員解釋「你個仔未夠十八歲都好,張消費卡係佢嘅,就算佢真係瞞住咗家長去買嘢,最後個責任都係你哋家長承擔,唔會係商鋪,加上用消費卡係唔可以直接退錢嘅,你最多只能同商家協商換貨...」。

示意圖片

示意圖片

店家重申拒絕換貨或退款,婦人指責「嘩乜你咁㗎,我去邊度買嘢都可以退錢,你傾都唔傾就話唔退...」店家反駁,「我做乜要同你傾呀?你一入嚟講三句就話要報警啦,傾咩呀?同埋單上面呢部遊戲機係無寫明唔賣得畀未滿十八歲人士,總之有客入嚟話要買呢部機,我有貨就賣,我哋商鋪無義務亦都無權利去了解每一個客人有無獲得佢哋嘅家長批准先嚟消費,我賣嘅係娛樂產品,唔係違禁品,有乜好傾呀?同埋你知唔知係鋪頭用完消費卡叫商鋪退錢係屬於套現,係犯法㗎?」

婦人聽完後居然說,「咁呀你一早同我傾肯退錢,我跌小小畀你做手續費你畀返現金我咪唔洗報警囉!」店家立即指出婦人教唆犯法「阿Sir 你聽到㗎,佢叫我犯法呀!我講過唔退㗎!」

警員也目瞪口呆,「阿太太,成個警察棟咗係度你都可以咁?你知唔知你咁樣要求套現已經可以構成犯法㗎啦?」,「其實消費卡入面嘅錢其實係政府嘅,嚴格嚟講啲錢係政府畀商鋪,無用過你哋市民嘅錢,你要將入面嘅錢變現金呢,其實係犯法嘅,你要求換錢係犯法,商鋪肯換錢畀你都係犯法,你明唔明?」

婦人堅持己見,「我明我明,但我依家就係想佢退錢...我個仔未夠十八歲...」,連警員也不耐煩說:「人哋依家唔係賣煙畀你個仔呀,唔關十唔十八歲事呀,同埋退錢係犯法呀,總之依家商鋪唔肯換貨,你就畀埋個尾數就可以攞走部機,你唔畀嘅就無得攞,亦都唔可以退錢畀你!」

婦人離開前仍辯駁「咁算啦,我今日趕時間,我第日搵埋我老公落嚟」。最終警員登記婦人身份證,「你搵邊個落嚟都係一樣㗎啦,麻煩證件。」

帖文轉載自「消費卡篇の我個仔未夠十八歲你做乜賣機畀佢」

婦人不滿兒子擅自用他的消費卡買遊戲機要求退款不果,被警員勸退。unsplash圖片

婦人不滿兒子擅自用他的消費卡買遊戲機要求退款不果,被警員勸退。unsplash圖片

往下看更多文章

婚後供養同住奶奶大伯卻遭針鋒相對 港媽更因丈夫1反應感無助

2024年03月28日 12:35 最後更新:14:54

港媽婚後要與奶奶及大伯同住,剛要負擔家中大部分開支,但兩人不但不體諒更處處挑剔,令她心情抑鬱。

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

該港媽於「親子王國」討論區以「結咗婚,就要養埋99同大伯?」為題發文大呻,表示婚後夫妻二人與奶奶及大伯同住,原本以為這樣的生活會和諧平穩「其實2公婆,大家做咩職業,搵幾多,冇計,只要大家互相支持,開心平淡生活就ok。一直抱住咁心態,所以結婚就同99,大伯住」。

不過相見好同住難,日子耐了,樓主開始發現奶奶及大伯的言行和性格令她感到極度困擾「住落佢地自己咩都係岩,人地永遠都為錯」。她指兩老經常以燒味或燒烤醃製的食物當晚餐,但當她購買外賣時,卻被批評不健康「我跨區返工,返工連車程都成12個半鐘,真係冇時間煮飯買餸」。樓主又憶述,新年時,娘家的親人到訪拜年,奶奶及大伯竟當面嫌棄親人準備的禮盒「喺我面前話唔鍾意,一d都唔理人感受」。

(Getty圖片)

(Getty圖片)

此外,樓主夫妻除了支付家庭的租金、水費、電費和上網費等基本開支外,還需要支付給奶奶湊孫的費用。相比之下,大伯只支付不到家庭開支的五分之一,這讓港媽感到相當不滿和委屈「我咁辛苦返工,要養一d唔適體諒,永遠都話你點點唔好既人,值得咩?」

雖然樓主與老公有能力搬出去住,但老公擔心兩老無法自理而拒絕搬離「我地2公婆絕對有能力自己搬出去住,只係剩返99同大伯,老公擔心佢地攪唔掂自己,所以暫時唔想搬開」,為此她感到非常抑鬱「真係好辛苦,努力辛苦返工,就係為佢地付出,值得咩?我又唔想決絕到自己帶亞b走。可以點做?」

Getty圖片

Getty圖片

帖文曝光後,不少網民認為如果有能力,就不應該繼續同住。奶奶及大伯都是成年人,應該能夠自理,而且可以考慮搬到附近,方便照應。有人認為只要每月給予固定的家用,就不算不孝。有人則建議她應該堅持自己的決定,不要忍受不公平的對待,並且應該與老公好好溝通,找到解決問題的方法。

帖文來源:「親子王國」討論區

你 或 有 興 趣 的 文 章