欣宜恨睇老友著三角褲 許廷鏗自言游水著四個骨褲打底

許廷鏗笑言性感底線在腳眼。

許廷鏗（Alfred）與鄭欣宜、顏卓靈等今日（17日）出席服裝品牌旗艦店開幕禮，Alfred指入行12年，首次為品牌穿短褲拍廣告，笑言性感底線在腳眼，很久沒見過自己的「菠蘿蓋」，因覺做幕前穿長褲亮相才是尊重。

陳蕾、許廷鏗及欣宜等出席活動。

呢對老友講三角褲講咗好耐。

問到今次酬勞是否很可觀，愈多錢所以露得愈多？許廷鏗原來表示與此無關，欣宜即插口稱希望看許廷鏗穿三角褲，他回應老友開價：「可能接到幾千萬元工作，條褲會短到似三角褲！（收幾千萬才肯著三角褲示人？）因為真係好大.....（邊方面大？）係好大心理包袱，It’s not a big deal！」許廷鏗自言瞓覺都是穿長褲，游水穿泳褲也用四個骨褲打底，欣宜即笑稱自己正常得多，游水會穿泳衣。

許廷鏗坦言着短褲出鏡已是極限，而欣宜就話好恨睇佢着三角褲。

顏卓靈。

陳蕾。

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。