*

馬國明提點飲食 湯洛雯遭禁飲汽水

靚湯大讚馬明注重健康又keep得好!

湯洛雯(靚湯)最近在《一笑渡凡間》首度演古裝打女,雖然辛苦,但靚湯反而好享受拍古裝,仲話男友馬國明都好鍾意睇。講到馬明近期經常不在港,靚湯覺得各有各忙冇問題,但對於第4度傳婚訊感無奈。近年因keep fit成專家的她,有意開頻道分享心得,她大讚注重健康又keep得好的馬明,平日有提點她的飲食。

【頭條獨家】 為女友健康着想提點飲食 湯洛雯遭馬國明禁飲汽水

靚湯在《一笑渡凡間》拍着阿蕭做打女,好玩又開心。

【頭條獨家】 為女友健康着想提點飲食 湯洛雯遭馬國明禁飲汽水

馬明近期經常返內地工作,跟靚湯聚少離多。

靚湯話最初拍古裝以為好辛苦,但拍拍吓就慣,仲愛上拍古裝,「雖然開工啲汗係濕到連出面件褸都濕埋,不過我好鍾意神話,又好鍾意睇古裝劇,依家少古裝劇開,會更加珍惜機會。」她透露馬明都恨睇,「《一笑》佢興奮過我,佢隔離緊冇乜嘢做,阿蕭(蕭正楠)又係佢好朋友,同埋佢好耐冇睇過古裝劇。」講到跟馬明今個月才公開拍拖一年,已4度傳婚訊,靚湯沒好氣話,「傳第4次唔答啦!大家拭目以待,都係正常情侶啫!」

- 閱讀更多 -

往下看更多文章