財政司司長陳茂波今日（6月18日）公布電子消費券計劃詳情，5000元消費券將於7月4日起登記，Tap&Go、AliPay、WeChat Pay會分兩期發放；八達通分三期發放，市民最快8月1日就可以收錢。
財爺陳茂波公布消費券計劃7月4日開始登記。
1.幾時開始登記？
電子消費券登記期由下月4日開始至8月14日結束，合資格人士可透過電子或書面表格登記。如果市民在7月17日前完成電子登記，將會在首批發放時就收到消費券。
2. 如何登記？
登記方式分為電子登記和書面登記。
市民可以透過消費劵計劃網站進行登記，流程如下：
揀其中一個方法認證個人身份：「智方便」、回答兩條保安回題（曾登記1萬元現金發放計劃的市民）、上載香港身份證複本；
選定用邊家儲值支付工具收消費券；
就「在港居住」要求作聲明。
書面登記流程如下︰
6月28日起，於以下途徑索取登記表格︰電子消費券登記網站下載、郵政局（流動郵政局除外）、民政事務總署各區諮詢中心、社會福利署各區福利辦、房屋委員會轄下公共屋邨辦事處和客戶服務中心；
填妥及簽署登記表格及釘附香港身份證複本；
7月5日起，去郵局或指定銀行分行，將表格放入投遞箱。指定銀行有5間銀行，中銀、匯豐、渣打、恆生、東亞18區共400多個分行。
3. 幾時可以收到消費券？
政府將透過支付寶香港、八達通、Tap & Go「拍住賞」及WeChat Pay HK，四種儲值支付工具發放。選擇電子登記的市民能最快在8月1日收到第一筆消費券。
不過大家要留意，唔同支付工具的發放方式有些微分別。
如選用AlipayHK、WeChat Pay HK、Tap & Go 收取，消費券將分兩期發放，第一期2000元；第二期3000元。
首批發放的消費券第一期是8月1日，第二期是10月1日，可以合併使用，最長有效期五個月。
市民能最快在8月1日收到第一筆消費券。
如選用八達通收取，消費券將分三期發放，第一期2000元；第二期2000元；第三期1000元。首兩期最長有七個月的使用期，如能用盡，便會發獲第三期的消費券。
首批發放的消費券如果在11月30日或之前用盡，就可以在12月16日收到第三期消費券。用唔完都唔駛驚，仲有三個時點可以走盞，最遲可以放到明年2月28日用盡前兩期消費券。
即係話，選用八達通的市民想最快收齊錢，就要登記期內首兩周完成登記，並在收取首兩期消費券後，在11月底前用畢。這便可在12月16日獲發第三期的消費券。
想攤到最長來用，就要登記期內首兩周完成登記，收取首兩期消費券後，在明年2月底前用畢。這便可在明年3月16日獲發第三期的消費券。
完成登記，收到消費券之後，本地零售、餐飲、服務業商戶的實體或網上店舖消費及本地交通費開支都用到，不過大家要留意，消費券就唔可以用來繳交政府或公用事業費用、購買金融產品、捐款、境外網站購物。
Sebastian
** 博客文章文責自負,不代表本公司立場 **
旅發局進一步擴大旅遊義工計劃，準備招募更多對旅遊業有熱情的市民尤其是年輕人，希望佢哋身體力行做好東道主的角色，同旅客分享各種旅遊主題和知識。
Sebastian去聽了這些義工分享的經驗，發覺原來喺旅發局做義工真係唔係「義工」兩個字咁簡單，佢哋的經歷有趣的一面，也有感人之處。
「旅遊義工」Agnes退休前任職跨國公司管理層。
退休前在一家跨國公司做管理層的Agnes，擔任旅遊義工計劃已經有12年的時間，有什麼令佢印象深刻的經歷呢？Agnes分享話，在2018年的時候，遇到一位英國來的老人家，帶住一家大細同一本相簿，想搵返相片中的景色拍照留念。原來呢一位英國老人家係喺香港出生，5歲時跟隨父母返回英國居住。根據呢位老人家的自白，他對香港的記憶全部來自父母影低嘅相。
收到呢個請求之後，Agnes就一心想幫佢完成這個心願，認真幫老人家研究攝影地點喺邊度。結果就發現，除了一個景點外，其餘全部都對得上，Agnes就教老人家如何去現場影返啲相。佢哋影相時甚至擺出了當年老人家父母的甫士。
因為參加義工計劃不是日日返工，每次服務時長僅需大約3個鐘，Agnes隔幾日才會去到尖沙咀旅遊咨詢中心當值。事件過去後，有天返時時，有旅發局同事搵到Agnes，話英國老人家來告別，留底紀念品俾佢。Agnes打開禮物一睇非常感動，原來係老人家的父母當年喺香港影的舊照片。Agnes覺得呢啲係老人家的獨家回憶，不敢收藏，因為承載咗佢對父母的緬懷。後來先知，原來老人家已將舊相數碼化，送俾Agnes嘅係拷貝，現在存放在旅發局。
Agnes話，每當想起這段回憶，自己能夠幫老人家完成心願，好有滿足感。
退休之前喺跨國企業做管理層的Agnes仲笑言話，做義工工作仲有一個好處，就係佢平時返工工作壓力非常之大，做義工反而係佢緊張的工作生涯找到放鬆自己的一種好方法。
由新加坡回流香港發展的Marco，透過參與「旅遊義工」計劃重新認識香港。
Marco做咗6年的義工，佢係土生土長的香港人，但之前去了新加坡定居工作，但仍然覺為香港「做番啲嘢」，於是加入到義工招募計劃，現在從新加坡回流回香港，更希望通過計劃喺香港服務遊客，將香港的旅遊咨詢同旅客分享。
由於曾在新加坡生活，熟番當地人的生活習慣和語這，在做旅遊義工時，可以運用經驗協助遊客，例如，了解新加坡沒有鵝，只有鴨供應，所以明白新加坡遊客到香港品嘗和購買燒鵝是熱門活動，他就一早了解定向遊客介紹。
做旅遊義工，除了要求兩文三語流利，如果識多一種語言，對工作就更有幫助。Marco就笑言，除了三語，他仲識講新加坡式的英文，咁接待新加坡遊客時，佢就有個人優勢，黎到香港玩的新加坡人亦會覺得有親切感。
最新一期的旅遊義工計劃已開始招募，一直去到5月31日截至。今年成功入圍咗呢個計劃的學員，除咗可以學習多項本地旅遊方面的知識，譬如傳統本地文化、購物、綠色旅遊等等，今年仲邀請到星級導師，教大家點樣做好旅遊使者。
各位如果有興趣都可以試下報名參加計劃，為香港旅遊出一分力，亦都係結識世界唔同地區朋友嘅好好機會。
