開騷保育香港廣東歌 區瑞強樂見新一輩歌手努力

Albert亦樂見TVB開放平台，有望令香港樂壇重生。

65歲的區瑞強（Albert）將於6月21及22日一連兩日，於文化中心舉行《我家您再重聚演唱會2021》，相隔兩年再開騷，Albert特別珍惜跟樂迷聚首機會，更邀請了胞妹區佳芬及細仔區昕進（Adrian）任嘉賓。keep住開騷唱歌致力保育香港廣東歌的他，亦樂見新一輩歌手努力，加上TVB開放平台，有望令香港樂壇重生。

Albert樂見新一輩歌手努力，加上TVB開放平台，有望令香港樂壇重生。 

這次演唱會Albert邀請了胞妹區佳芬及小兒子區昕進（Adrian）出任嘉賓。

Albert跟太太Teresa結婚多年，育有兩子。

習慣年年開騷的Albert，已有兩年沒有開過，所以今次一定要搞，「我覺得一年一聚剛剛好，所以唔計算今次有機會就做。今次叫《我家您再重聚演唱會2021》，好似come back返屋企食飯咁，兩年冇見大家要見吓，仲有文化中心係我成長嘅地方，以前啲民歌演唱會全部喺文化中心做；而『我家您』有兩個意思，係我同fans，仲有我同家人，所以就搵咗屋企人，我妹同個仔做嘉賓。」

Albert將於6月21及22日一連兩日，於文化中心舉行《我家您再重聚演唱會2021》。 

Albert的演唱會，邀請過洪金寶出任嘉賓。

Albert坦言keep住開騷唱歌，目的是幫香港廣東歌保育，「將我最熟識七、八十年代嘅香港廣東歌，希望將呢啲歌傳承落去，我成日掛在口邊靚歌保育，重新再活化。」對於近年後輩歌手致力推動香港樂壇，他大力支持，「姜濤牽起咗漣漪出嚟，成個電視台去捧一隊組合出嚟，應該嘅，成日話樂壇惡性循環，香港樂壇真空咗好耐，年青人都要搵個對象去追，好似得陳奕迅同容祖兒咁滯，本身好成熟嘅音樂巿場，點可能容許一個天王又好天后又好，雄霸10幾年冇換過！」

Albert多年來仍享受DJ工作，為保育香港廣東歌出分力。

Albert亦樂見近期TVB開放平台，「成10年冇同外界接觸過，全部都係自己人嚟，頒獎、唱歌、選嘅都係自己人，呢個咪小圈子囉！依家開放我覺得呢一步行啱咗，全香港所有歌手都可以上嚟，ViuTV都可以如果你肯，起碼四大唱片公司可以嚟，之前連資深都冇，咁好搞笑喎！個圈點會成功，好似足球隊咁一定係老大帶嫩，樂壇一樣，依家重頭嚟過，咁樣講好似好悲觀，因為衰咗廿年嘛！」而新一輩中他較欣賞譚嘉儀，「唱舊歌，英文歌都得，譚嘉儀非常好，其實佢都出道10年，再新嗰啲冇聽，（姜濤？）我真係冇聽過，唔知姜濤唱歌點，唔會專登聽，如果揸車聽到都會聽。」

近期Albert比較欣賞的後輩是譚嘉儀。

Albert坦承仍未有機會聽姜濤唱歌。

由馬時亨主持的訪談式綜藝節目《信和集團呈獻：馬時亨 香港情》，5月27日晚翡翠台播出第六集，主題是「音樂情懷」。馬時亨是集邀來縱橫樂壇半世紀的譚詠麟（校長）擔任嘉賓，還請來有「民歌王子」之稱的區瑞強（Albert）擔任客席主持。有豐富電台節目主持經驗的Albert，對譚校長多年來的「音樂旅程」相當熟悉，共同話題甚多；校長透露當年曾獲Albert封為「走鋼線歌手」，二人大談箇中原因之餘，Albert又爆出校長經典金曲之一的《幻影》，當年並非唱片公司主打歌曲，反而是因有DJ、包括Albert自己當年在戲院看畢電影後被該首歌深深打動，故各自自發性在電台播放歌曲，並笑言因「品味」問題吸引其他DJ跟著播放。Albert憶述當年看戲時首次聽到《幻影》的情況謂：「我哋睇完套戲，出緊Roller時播緊呢隻歌，嘩！真係深受感動，全場觀眾靜晒唔走，換著平時已經走晒。」

今集嘉賓係譚詠麟。

客席主持係區瑞強。

校長喺節目中會分享珍貴報導同照片。

校長同Albert老友鬼鬼，二人無所不談之餘，更一再話當年，觀眾們耳仔有福了。

開了接近200場紅館演唱會、自言推出歌曲超過1,000首的校長，閒談間遭馬時亨突如其來一句「咁多隻歌，你有幾多隻記得歌詞？」殺個措手不及，並笑不攏嘴憶述當年開演唱會各式各樣「出貓」大法：「寫地下呀、地氈呀、基本上成個舞台都係（歌詞），仲要寫埋邊隻歌到邊隻歌。」校長更笑言當年曾因搞亂唱歌次序，引發起歌危機，更一度全場「靜晒」！Albert聞言大爆校長當年開演唱會前，曾捉著他瘋狂打桌球，原因除了舒壓，更是為了「記牢歌詞」，到底校長如何以桌球幫助記憶？敬請留意節目。

馬時亨到底引唔引到校長喺節目入面清唱經典歌曲呢？

無所不談的校長，續指當年全靠一首歌奠定「情歌」為其主要音樂路線，豈料當校長揭曉是哪一首歌曲時，馬時亨竟一臉錯愕表示沒有聽過，更逼令校長清唱兩句以示「確認」，到底校長會否就範？校長另外還暢談了當年與好友張國榮在東京音樂節的趣事、94年在香港大球場舉行的「細細聲演唱會」風波、及當年如何最後一刻才告訴身邊人決定退出頒獎禮的細節，萬勿錯過。

《幻影》當年爆紅原來有段故。

經常忘記歌詞係校長特色之一。

校長開創咗演唱會四面台先河。

到底打桌球備戰演唱會係咩玩法呢？敬請留意節目。