網民：「自己食飯權利都無? 」
職場文化各有不同，有網民於討論區發文指，其公司有新同事剛入職，惟第一天竟帶飯獨自用膳，拒絕與其他同事一同外出食飯的邀請，令場面非常尷尬。該網民感不滿，指對方不懂人情世故，「無禮貌」。
設計圖片
該網民於「連登討論區」發文指，有新同事剛入職，第一天上班時樓主邀請新同事一同外出用膳，卻遭對方拒絕，「佢就話帶咗飯」，令到場面非常尷尬。
樓主無奈表示，「正常新入職就預咗同其他同事出去食飯，交流吓」，斥該新同事不懂人情世故，指對方「無禮貌」，「第一日出嚟社會做嘢？」，更大膽估計他應很快辭職。
新同事首日上班帶飯拒外出用膳，遭打工仔批不懂人情世故。網圖
設計圖片
事件引起網民熱論，有網民表示第一日入職應先理解公司的文化，認為新入職與同事食飯屬正常之事，「我覺得點都唔會第一日就帶飯，點都要睇公司有咩先得㗎」、「第一餐飯同同事食係好正常」，亦有網民不認同並直斥，「自己食飯權利都無? 出黎打份工奉旨應酬你?」。
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
