*

upload_article_image

Executive日記——日落絕美打卡點 龍尾泳灘明起開放

  呢排天氣酷熱,去游水係消暑妙法,咁啱有新沙灘開放,仲係本港首個人工沙灘——大埔龍尾泳灘,將於明天讓公眾入內,享受水清沙幼。Kelly提提大家,記住黃昏時份去,喺護沙堤上遠眺八仙嶺美景,仲可利用呢個「日落絕美打卡點」影靚相。
  康文署轄下嘅大埔龍尾泳灘,六月二十三日(本周三)起開放予公眾使用,泳灘長約二百米,設施包括更衣室、淋浴設備和洗手間。泳灘嘅救生服務時間為四月至十月每日上午九時至下午六時;在六月至八月游泳旺季期間,星期六、日及公眾假期的救生服務時間則會延長至上午八時至下午七時。
  大埔龍尾泳灘係香港首個由政府興建嘅人工泳灘,規劃逾十年,耗資約兩億元,毗鄰大美督同船灣淡水湖,土木工程拓展署形容係「日落絕美打卡點,尤其喺泳灘超過一百米長嘅護沙堤,可以遠眺整個八仙嶺及泳灘,影相超靚。」
  大埔龍尾泳灘位於大埔汀角路168號,鄰近大美督公共運輸交匯處,市民可在港鐵大埔墟站乘75K號巴士、275R號巴士(只在周日及公眾假期行駛)或20C號綠色專線小巴,到蘆慈田站下車,再步行約兩分鐘便可到達泳灘。泳灘附設九十六個單車泊位。
Kelly Chu

- 閱讀更多 -

往下看更多文章