林夏薇10歲愛犬患癌爆喊 陳展鵬獲囡囡按摩賀父親節

昨日出席一眾藝人出席《逆天奇案》慶功宴。

林夏薇（薇薇）和陳展鵬昨晚（21日）出席劇集《逆天奇案》慶功宴，薇薇透露其10歲愛犬「金豬」患上癌症，要接受電腦斷層掃描，待今天報告出來後再決定是否要做手術。她表示：「金豬年紀大又要全身麻醉，好驚佢唔會再醒，最後佢醒番我即刻趕過去。唔敢喺金豬面前喊，想佢開心啲，我會盡最大努力搵醫生幫佢。」

薇薇兩隻愛犬分別患癌及離世，令她一度想缺席《逆天奇案》慶功宴。

前日父親節，薇薇也有致電長居廈門的父母，未料居於當地的另一隻愛犬「虎仔」離世，她落淚說：「連續兩日愛犬有壞消息，我接受唔到。最擔心係屋企人，因為狗狗已經陪咗佢哋13年。」薇薇稱原本打算缺席慶功宴，因不想在開心場合喊，她續道：「心情好複雜，多謝大家支持令劇集收視好，呢個成績係值得開心，多得台前幕後嘅努力，只係狗狗壞消息令我大受打擊。」

薇薇愛犬「金豬」患上癌症，可能要做手術。

薇薇居於廈門的另一愛犬「虎仔」離世。

展鵬因工作姍姍來遲，目前他正拍攝一套邵氏劇，又要為新歌做宣傳。他透露父親節當日不用開工：「分別同爸爸、外父慶祝，囡囡（小豬比）未識同我慶祝。返到屋企囡囡會幫手拎拖鞋服侍我，幫我按摩，已經係最好禮物。」提到《逆天奇案》收視不俗，會否帶挈有更多內地工作？展鵬回應：「仲未開關，所以只可以做網上宣傳，希望疫情過去有得盡快運作。」

展鵬忙於拍劇及宣傳新歌。

小豬比今年2歲，展鵬指她未識何為慶祝。

展鵬最近推出派台新歌《零歲》。

薇薇談到患癌愛犬，不禁爆喊。

今集嘉賓陣容有熱播劇《逆天奇案2》演員組成的「逆天奇案2」隊，對戰「朱隊友」隊

特備節目《鄰住買特約：獎門人Hug Hug媽咪感謝祭》周日晚（21日）8點半翡翠台播映，今集主持陣容有「獎門人」曾志偉、「獎老」錢嘉樂、阮兆祥、麥美恩、林秀怡和林正峰。今集嘉賓陣容有熱播劇《逆天奇案2》演員組成的「逆天奇案2」隊，成員包括陳展鵬、林夏薇、方力申、劉佩玥、張頴康、馮盈盈、高鈞賢和梁小冰，對戰「朱隊友」隊的朱咪咪、陳煒、郭政鴻、袁偉豪、張振朗、范振鋒和梁競徽（唯唯）。

Super～

今集節目優惠多多，除有大量感謝祭貨品於晚上9點半節目播出後在網購平台「鄰住買」開售外，觀眾於收看節目期間只要嘟一嘟螢幕上的QR Code，便有機會搶到999.9足金玫瑰花和5.8萬封現金利是！此外，獎門人宣布下一集是本季《獎門人》最後一集，只要掃螢幕上的QR Code並完成指定任務，便有機會贏取下集《獎門人》入場券，總數共200張。

方力申（左起）、張頴康、梁小冰、劉佩玥、陳展鵬、林夏薇、馮盈盈、高鈞賢

陳煒（左起）、梁競徽、郭政鴻、朱咪咪、袁偉豪、范振鋒、張振朗

久未亮相遊戲節目的咪咪姐玩得相當落力，在首個遊戲「開心無敵啜乒乓」中，除獲優待可以慢慢啜，還被展鵬點名對決啜乒乓，咪咪姐輸人唔輸陣豪言：「你夠膽就啜走個波！」她又命令展鵬唔准擘大口，自己再慢慢啜走乒乓波，場面搞笑。「開心無敵傳紫菜」同樣笑爆肚，咪咪姐先被兩大小生袁偉豪和張振朗夾擊傳紫菜，咪咪姐即時怕醜妹上身眼都唔敢擘大！之後獎門人再安排咪咪姐一人VS「逆天2」男子組，《逆天2》總監製劉家豪亦有落場玩埋一份，家豪哥一馬當先捉實咪咪姐傳紫菜，之後四大型男方力申、張頴康、高鈞賢和陳展鵬肉緊捉住咪咪姐輪住啜，引爆全場氣氛！

劉家豪（右2）落力宣傳新劇。

梁小冰

陳煒

劉佩玥

盈盈都好進擊吓。

朱咪咪慢慢啜。

朱咪咪霸氣十足。

小方vs陳煒都好有睇頭。

咪咪姐被袁偉豪同張振朗夾擊。

咪咪姐被袁偉豪同張振朗夾擊。

家豪哥啜埋一份。

咪咪姐被咁多位型男輪住啜。

「開心無敵落大閘」中，展鵬和薇薇組成最強視帝視后組合，兩人玩遊戲時默契十足，除了多番神同步，展鵬還鬼馬地扮「色狼」撲向薇薇；薇薇則跪地、趴地完全零介意，相當玩得。之後「開心無敵私人醒」更成為兩隊隔空罵戰戰場！其中一條題目「講咗畀人掌嘴嘅說話」，煒哥先是寸爆小冰：「收檔啦！」小冰唔執輸反擊：「做極都唔紅呀你！」之後戰火蔓延到盈盈和唯唯身上，盈盈寸爆近年在內地帶貨的唯唯：「你賣嘢全部畀人退貨，零營業額呀！」唯唯不甘視弱「回敬」：「你套套劇擔正但全部仆直冇收視，除咗《逆天2》！」笑爆全場。另一條題目是「講出三級片名稱」，眾人發揮小宇宙創作出多個搞笑啜核戲名，包括「警花警棍有景轟」、「戰車戰神戰銷魂」等，想知道還有甚麼搞笑創作，密切留意周日晚播出的《獎門人Hug Hug媽咪感謝祭》。

小冰同陳煒好有火花。

唯唯（左2）個樣好肉緊。

盈盈激動到企起身。

氣氛好歡樂。

薇薇同展鵬神同步。

展鵬扮色狼。

薇薇玩到瞓地。