未收到任何紅館騷通知 Lokman AK恨做《造星IV》客席講師或嘉賓

Lokman話花姐近期好忙，好耐未見到佢。

MIRROR隊長Lokman（楊樂文）和副隊長Anson Kong（江𤒹生、AK）晚上為飲品活動演出，近日有傳團體入紙明年暑假檔期在紅館開演唱會，Lokman指已被很多朋友問起，「但我未收到任何通知，因為花姐近期好忙，好耐未見到佢。」

Lokman及AK都不清楚MIRROR是否明年會在紅館開騷。

MIRROR上月在九展連開6場個唱。

Lokman指花姐好忙，未問到演唱會細節。

AK笑指昨晚（22日）被媽媽以堅定語氣叫他留飛，但其實詳情他也不清楚。Lokman爆一眾MIRROR成員私下都有傾過幾時再開騷，「今年年底開騷太急又太密，想有多啲新構思。如果下年7月真係開，隔咗一年半都適中，雖然10場會好吃力，不過會有更多人睇到，歌迷亦唔使買炒飛。」AK就認為入座率放寬至100%時是最適合。

AK爆媽媽叫他一定要留飛。

談到《全民造星IV》以全女班招徠，AK表示好期待，已有不少以前跳舞認識的女性友人問他意見。被問到是否好開心終於有女仔？兩人大呼「都唔關我事」，他們指：「都唔會自薦做導師，因為壓力太大而且未夠資格，做客席講師同嘉賓就OK。」AK笑言若因為他而來參賽會加分。

兩人自覺未夠班，不會自薦做《造星IV》導師。

此外，今日（23日）活動在戶外舉行，天氣欠佳不時下時下仍吸引數百觀眾入場。不少未能入場的鏡粉在場外守候，AK有Fans在場外繼續舉燈牌應援。

即使天氣欠佳，不少未能入場的鏡粉仍在場外守候偶像。

AK有Fans在場外繼續舉燈牌應援。

12子坦誠公開自己的戀愛狀況。

現正於美加進行《MIRROR FEEL THE PASSION CONCERT TOUR 2024》巡迴演唱會的MIRROR，繼早前接受FOX電視台訪問外，12子亦接受了CNN主播Julia Chatterley的訪問，而有關訪問於今日（4月18日）香港早上時間在CNN International頻道中播出。

MIRROR接受CNN訪問。

MIRROR在受訪時除了介紹自己的出身，以及曲風等團隊資料外，他們亦回答了連串音樂以外的問題，其中Julia問道：「我唔問Fans唔會原諒我，你哋邊個拍緊拖？」Ian即搶先回應：「我哋有一個就快結婚喇！」12子聽到都拍掌和應，就連Julia聽到都尖叫，然後眾人的目光都放在Stanley身上。Stanley也乖乖的甜笑回答：「我有一段穩定嘅關係，係我入行前已經喺埋一齊。」然後Edan又代Julia問邊個而家單身，除了他自己以外，Jer、AK、Ian、姜濤、Alton、Anson Lo及Jeremy都齊齊舉手，十分坦誠公開自己的戀愛狀況。

大爆戀愛狀況！

其實在巡演之前，MIRROR亦曾接受權威音樂雜誌《Rolling Stone》的訪問，Julia十分睇好MIRROR，所以她特別帶來雜誌讓眾人簽名，同時亦有問及大家能夠登上雜誌的感受，Stanley即表示：「太驚喜了，係好唔真實嘅一件事。」

MIRROR亦分享了工作以外的生活。

除此之外，Julia亦有問到團員之間可有拗撬，Edan就回應道：「講真我哋冇乜拗撬，但有時我哋會有唔同嘅意見，例如嚟緊我哋會出乜嘢歌，跳舞想跳邊種Style，係討論嘅情況比較多。」而Tiger亦表示，他與Jeremy是隊友之間的橋樑，如果真有拗撬，就會充當和事佬，Jeremy亦指二人有時都會採取沉默的方式，以免火上加油。其實MIRROR 12子都有自己一個WhatsApp Group，當被問及誰最少在Group內回應，Stanley即大爆：「Jer！佢成日都唔覆Message。」就連Jer自己都承認，說：「我係會失蹤㗎！」談過戀愛狀況、溝通方式後，MIRROR眾人亦分享了工作以外的生活，其中AK表示：「唔使開工我會全日同隻狗猜柴一齊，玩足一日。」Edan分享道：「我哋有啲亦會打籃球、打機。」Alton亦說：「我會揸車，因為咁樣可以有一個好個人嘅空間。」

姜濤與Anson Lo期望跟Taylor Swift合作。

在推出過〈Rumours〉及最新派台〈Day 0〉兩首單曲後，MIRROR在海外有更多人認識，被問到想跟美國或英國哪位歌手合作，AK即自爆很愛Usher，而且更即場示愛，道：「Usher，希望可以同我哋合作啦！多謝你。」Stanley則揀Bruno Mars，他說：「佢唔單只唱得好，跳舞亦十分出色。」不少隊員如姜濤及Anson Lo都揀Taylor Swift，而Tiger則鍾情Band Sound，並說：「我想同Band合作，例如Bon Jovi，可以同一啲類似嘅Rock Band合作就好了。」