*

upload_article_image

獲法國政府授勳 林嘉欣收信以為被整蠱

  曾留學法國的林嘉欣,連續第八年擔任法國五月藝術節大使(Le French May),每年都會遠赴法國與當地來自不同界別的藝術家進行文化交流,最近獲法國政府授勳為「Chevalier de l’Ordre des Arts et des Lettres」,以表揚她多年來宣揚法國藝術的努力,日前由丈夫袁劍偉、還有兩個囡囡陪同下,到法國駐港領事官邸接受授勳。
  林嘉欣笑言去年四月收到授勳通知時,以為被整蠱,她解釋:「因為封信係由加拿大政府發出,話我獲法國政府授勳,我睇咗封信好多次,仲問我先生『係咪呃人㗎?疫情仲有呢啲騙案?』後來先知,原來我因為喺加拿大出世,法國嗰邊要認證我嘅國籍,所以封信由加拿大寄出。」
  當知道真的獲授勳,嘉欣坦言有一種超現實的感覺。在授勳當日,嘉欣除了以法文致辭外,更安排兩個囡囡協助法國領事,進行授勳儀式。「兩個女負責托住個放有勳章嘅枕頭仔行出嚟,我同佢哋喺屋企綵排過,但屋企個枕頭大好多。」授勳儀式完成後,嘉欣更以法文及廣東話致辭,她說:「因為冇得飛,太耐冇去法國,冇機會講,法文大退步,所以我搵咗一個好好嘅法國朋友幫我翻譯致辭內容,我衷心多謝French May團隊,令我過去八年,認識到好多世界頂尖嘅藝術家;亦好多謝屋企人,包容我每年去法國交流。」

- 閱讀更多 -

往下看更多文章