《識貨》進入踢館階段 陳嘉佳化身「超強Sales」愈戰愈勇

佢45分鐘唔停口係咁sell，連Do姐都好佩服佢。

無綫真人競技綜藝show《識貨》一連兩個星期、逢星期一至五晚十點半翡翠台播映，由鄭裕玲帶領兩名鮮肉鄭衍峰及孔德賢主持，八位「見習主播」陳自瑤、黎諾懿、陳嘉佳（細細粒）、何遠東、黃建東、蔡國威、路芙及黃頌明在完全沒有劇本的情況下，靠口才、急才及轉數等說服現場觀眾「入貨」！

細細粒同路芙擦出好多火花。

細細粒殺價有板有眼。

而且牙力驚人兼好有「殺」氣！

路芙指冇血性

近年在網絡累積了一定直播帶貨經驗的細細粒，昨(24日) 晚播出的一集中可謂愈戰愈勇。於新一輪雙人淘汰賽，細細粒唔單止Head住拍檔路芙，更升呢「超強Sales」全程拎住大堆資料與計數機為家庭觀眾向客戶殺價，數口精的她唔單止計數快，而且氣勢逼人讓客戶冇「還價」機會，「氣場」遠勝對手黃建東與蔡國威。路芙亦直指細細粒狼死：「喺佢身上，學到要『見你唔到』，佢係冇血性嘅，但有時殺價就係要冇血性！」加上細細粒直播期間可以45分鐘唔停口sell個不停，令Do姐亦忍不住深表佩服。

數口好精咁款。

細細粒凡事親力親為。

「殺」到性起的細細粒，今(25日)晚播出的一集中繼續「強攻」。為籌錢做慈善，女子組與男子組分別殺入無綫化妝間四出尋覓善長，女子組甫開始即「Mark實」正值化妝的王祖藍，由於眾女「連珠炮發」圍攻祖藍，祖藍極速「就範」捐出一萬元善款，令男子組陷入苦戰，細細粒事後更得戚謂：「男子組輸在唔知王祖藍先生喺邊度搵！」

王祖藍現身兼逐一點評各主播表現。

最後祖藍仲要畀人捉住隻手簽名，好有「強搶民女」Feel。

除了祖藍，方力申、何廣沛、湯盈盈、劉穎鏇、朱凱婷等人亦先後被「生擒」，場面混亂兼笑料百出。今(25日)晚丁子朗及郭子豪亦會現身「踢館」，令比賽更見緊湊。

踢館1號選手：丁子朗

踢館2號選手：郭子豪

陳嘉佳

細細粒在IG分享歎咖啡及遊覽悉尼歌戲院的打卡自拍照，並留言：「瘦了就想多拍照。」

38歲「細細粒」陳嘉佳（小寶）成功在8個月內由接近300磅減至148磅左右，距離目標體重120磅只差28磅！細細粒減肥成功除了令身材機能回復較正常水平，同時令她自信大增，不時在社交平台分享瘦身歷程，近日更在綜藝節目《福祿壽訓練學院》穿上當年溫碧霞在《封神榜》的「妲己」戲服，大晒瘦身成果。不過，細細粒近日分享的自拍照感覺卻有點奇怪？

細細粒以往一直肥嘟嘟。

在內地做食播大受歡迎。

細細粒減肥成功後不時在社交平台分享瘦身成果。

近日以「妲己」Look現身綜藝節目《福祿壽訓練學院》。

這套「妲己」戲服更是當年溫碧霞在《封神榜》所穿的。

細細粒於2月底曾飛到澳洲工作，並首次穿上旗袍做直播賣健康食品，近日她再次飛到澳洲，並在IG分享歎咖啡及遊覽悉尼歌戲院的照片，並留言：「瘦了就想多拍照。」相中可見細細粒靠着欄杆，一手托着頭，露出cool爆的表情，但她面部和上身依然比較圓潤，與纖幼手臂形成強烈對比，難怪網民都留言：「是瘦了很多，但是臉還是很大」、「想再靚啲，削面骨，想靚就去盡啲」、「大佬你塊面做乜？」

近日再飛到澳洲。

享受咖啡之旅。

自信晒自拍。

但這張自拍感覺怪怪的。

事實上，細細粒減肥成功雖然得到不少網民支持和讚賞，但亦有很多網民關心她的健康，因為細細粒早前穿著小背心直播帶貨時，腋下位置出現鬆弛皺紋，疑似因急速減磅所致，而且她四肢纖幼，但身軀依然比較厚，身形極不合比例，紛紛勸籲她不要一味追求瘦而過度減肥。

疑似因急速減磅導致腋下位置出現鬆弛皺紋。

在澳洲被野生捕獲。

四肢纖幼，但身軀依然比較豐滿。

身形極不合比例。