否認迫「敵人」上台合唱 Serrini爆林家謙呃佢幫襯黃牛

Serrini同林家謙好Friend但又成日扮唔熟。

上星期在九展連開3場演唱會《I M (NOT) FINE, THX.》的Serrini，尾場請到本身睇騷的林家謙上台合唱《蘇菲亞的波霸珍珠奶茶》，今日（25日）Serrini就在社交網分享背後故事。

Serrini大談家謙睇騷當日的背後故事。

兩人好Friend但又成日扮唔熟。

自稱與家謙不熟的Serrini笑指對方是自己「敵人」，不過依然大方祝福：「天祐我的敵人，給他永遠笑聲，並常對他偏」。

Serrini與家謙合唱《蘇菲亞的波霸珍珠奶茶》。

Serrini又爆家謙呃她幫襯黃牛：「Concert嗰日黃昏，主辦話我知阿邊個（指家謙）嚟，我第一個反應係『佢之前又話唔嚟？！』之後我同自己講，要乖乖哋，唔可以攻擊人哋。點知呢個人開Show之前特登走入去後台，話我知佢買黃牛飛（實情係搲畀佢嘅真飛，但係佢堅持要Show黃牛Message畀我睇，話我跳樓飛），但係又話不如合照（？？？）。可能最近林XX好忙做製作，對我放下咗戒心，或者疲倦就無咩inhibition（顧忌），但係偶像就係要保持謙謙君子façade（假像），佢都唔係咁衰嘅I guess，係奸奸哋vibe嘅啫」。

家謙特登走入後台展示黃牛短訊，向Serrini表示門票炒燶咗。

Serrini續指自己沒有迫家謙上台：「我on stage話『我係唔會叫佢上嚟嘅，除非佢自己行上嚟』is true，佢心裏說不，我就唔會迫到佢。我係成日覺得佢係腹黑攻（指表裏不一地壞），and me as a 女皇攻，so大家就會好多conflicts（衝突）（但係友善）。But可能世界睇唔慣啲roast（批評），如果成日嬲嬲豬咁，做咩啫你妖。Anyways I would like to bless this huge fan of mine with happiness in life and protection from any harm. （無論如何，我都想祝福這位忠實粉絲，希望他一直都快樂，遠離一切傷害）」。

Serrini同家謙Say Hi都好尷尬咁。

Serrini同家謙互動好搞笑。

家謙同Serrini終於正經影張合照。

Serrini社交網全文。

麗英指講到對靚仔的熱愛，她相信Serrini會好明⽩她熱愛靚仔的⼼情！

試問有邊個唔鍾意睇靚嘢？你有無麗英咁勇於承認先？麗英推出2024年⾸⽀派台歌《美男⼦圖鑑》，找來全新製作班底—由梁嘉茵（Serrini）填詞、Matt Chow作曲、編曲及T-Ma監製。歌曲直接描繪對美男⼦的喜愛，坦⽩承認鐘意睇靚嘢、鍾意靚嘅嘢絕對是⼈之常情。

麗英推出2024年⾸⽀派台歌《美男⼦圖鑑》。

觀看相關影片按連結：https://youtu.be/UonX9d92oCk?si=gesc1eqrAmVWNk_c

談到鍾情靚仔，麗英和⾸次合作的填詞⼈Serrini絕對是百份百互相認同，「講到對靚仔嘅熱愛，我相信Serrini會好明⽩我熱愛靚仔嘅⼼情！⽽且佢亦都係我好耐之前已經想合作嘅填詞⼈，我好喜歡佢嘅⾵格，因此就促成今次合作！」⼆⼈⼀開始傾談歌曲⾵格時，麗英給Serrini的感覺是⾮常活潑可愛，因此Serrini在創作時刻意投⼊幻想—到底麗英的戀愛觀是怎樣呢，「原本麗英跟我說希望有好多靚仔會date（約會），所以創作美男⼦圖鑑，其實係講緊我哋有好多個選擇。無論係男仔或者⼥仔、你嘅取向係點樣都好，我希望表達嘅都係應該keep住⾃⼰有多啲選擇，要開放⾃⼰嘅⼼去date多啲！所以我好鍾意個副歌『Date你、Date我』，唔需要太介意或太擔⼼去限制咗⾃⼰嘅選擇，所以我寫完呢⾸歌嘅歌詞之後都好啟發到我，希望今年可以date夠12個星座嘅⼈，不過我暫時只係完成咗⼀個星座，我會努⼒去完成！」

Serrini笑⾔受啟發：「希望今年可以date夠 12 個星座」

《美男⼦圖鑑》MV拍攝找來四分⼀泰國混⾎兒Saito（莊世圖）飾演⼩島上送⽜奶的美男⼦，⽽麗英則是居於島上、對他⼀⾒種情的⼥孩，她坦⾔拍攝過程有不少親密接觸的戲份，「有⼀場戲份的確係好近，因為我要坐喺Saito單⾞後座、喺⽯灘上⾯拖⼿，我都的確好緊張、直程有⼩⿅亂撞嘅感覺！喺⽯灘上⾯我哋有⼀幕要好近咁對望，我直程有啲怕羞！」

《美男⼦圖鑑》MV找來四分⼀泰國混⾎兒Saito做男主角。

二人在MV中有不少親密接觸的戲份。

為了吸引對⽅，麗英不惜⼀切吸引對⽅注意，到最後才發現原來所有花巧的物質外⾐都不能吸引到他的焦點，反⽽嚇怕了對⽅；經過⾃省、換個清醒的戀愛腦，麗英發現以真實的⾃⼰⽰⼈，才是真正的魅⼒所在，「⼤家在愛情路上都必須舒舒服服、坦誠的做⾃⼰，跟隨⾃⼰的步伐去尋找適合⾃⼰的⼈。過多的包裝或顧忌，反⽽失去了你的光芒。」

麗英自肥成功。

麗英自肥成功。