近年香港的出生人口持續下滑，有港媽發文抱怨生了兩個兒子後，煩惱多、開銷大，常常被惹怒，揚言如果有得時光倒流一定不會生，更奉勸其他網民不要生育。
有港媽發文抱怨生了兩個兒子後，煩惱多、開銷大，常常被惹怒。(設計圖片)
網上討論區「親子王國」網民大吐苦水，指「做乜要生！錢好似倒水咁，又無晒自己人生無晒自由無晒自己生活！成副心機俾晒佢哋！你話乖都抵吖！見住佢兩個都覺得煩！唔自律唔聽教當父母死！讀書又要理，身體又要擔心，如果可時光倒流，我一定唔會生佢哋！」
家庭樂生活並非每對父母都享受。示意圖片
她透露，當初「咁我生完第一個，係個仔成日同我講話要有個細佬妹，我為咗佢生多個，點知兩個一齊又成日嗌交又成日打交」，她慨嘆「生完佢哋舊病復發，身體又差，我覺得生完佢哋命都短幾十年」。
她不解，「自問最錫佢哋，但佢哋從來都唔識得感恩，乜嘢都係覺得奉旨，我細個見到媽媽返工咁辛苦，我就唔敢駁阿媽嘴，會自動自覺幫手做家務，希望媽媽唔好咁辛苦，我兩個仔就丁點兒感恩的心都無，點解可以咁冷漠可以咁自私真係心淡」
發文者奉勸各位未生的女士們「千祈唔好生」。(設計圖片)
發文者奉勸各位未生的女士們，「千祈唔好生，我覺得係我一生人做得最錯的事，唔好令自己走入深淵！」
有一批網民認同指，「生咗無得後悔，我都好怕小朋友」、「我～生完先知好怕小朋友，你並不孤單」、「單身的話，一份糧自己洗，全部買自己鍾意的。生2個， 一份糧3個人洗。 喜歡過夜生活飲酒行街，有小朋友變成去好悶的公園遊樂場。」
設計圖片
但也有人安慰不要太消極，長遠還是有好處，「到妳年紀漸大、睇住他們成家立室....... 到時便會改變睇法了、先苦後甜吧 」、「總有快樂的時候，不要忘記呀！」、「辛苦是其中一個階段，父母為子女所付出的一切，會苦盡甘來的，媽媽加油！」、「感謝我的小朋友來臨，令我可以成為母親，也令我可以見証佢的成長」。
大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。
（FB圖片）
大埔林村河出現「神秘圓圈群」
有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。
（FB圖片）
網民笑言：外星人來襲
帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。
（FB圖片）
街坊拆解真相：非洲鯽築巢
有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。
非洲鯽魚又稱福壽魚，非香港本地物種
根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。
(FB專頁「WWF Hong Kong」圖片）
被評為全球100種最具破壞性的「外星魚」之一
在其他地區，人們已經發現福壽魚是導致當地原生魚類數量減少的主要原因之一，進一步減少了棲息地的生物多樣性。它被評為全球100種最具破壞性的「外星魚」之一。因此，世界自然基金會早在《海鮮選擇指引》中將鯽魚列為紅色警告的「避免食用」類別。
帖文來源：Facebook群組「大埔 TAI PO」、Facebook專頁「WWF Hong Kong」
