Jer出新歌挑戰新Style AL開心有跳唱騷

AL同Jer在音樂會獻唱多首人氣作品。

MIRROR成員Anson Lo（盧瀚霆、AL）及Jer（柳應廷）周四（24日）舉行線上音樂會《JOOX Live 2021 Anson Lo x Jer 全民Tea Master》。兩人獻唱多首人氣Solo作，包括《EGO》和《風靈物語》，更翻唱隊友姜濤的《孤獨病》及《一號種籽》，令鏡粉們好驚喜。

AL及Jer老友鬼鬼，互相推介對方演出。

兩人翻唱隊友姜濤的《孤獨病》及《一號種籽》。

AL同Jer在音樂會獻唱多首人氣作品。

ViuTV《大叔的愛》今晚首播，AL與另一隊友Edan（呂爵安）合唱主題曲《突如其來的心跳感覺》，他會另外演唱片尾曲。今年3月才剛推出《狂人日記》的Jer指新歌已完成錄製：「會係未試過嘅曲風，MV完成拍攝後就會喺7月中至尾推出！」

Jer激罕唱《風靈物語》。

兩人被問到短期內想有甚麼新嘗試？雙方異口同聲表示最想推出跳唱歌，較擅長唱歌的Jer笑言：「諗吓咋，哈哈！」AL上一首跳唱歌已經是今年初的《EGO》，「《EGO》呢幾個月唱咗好多次，而家都有個跳唱Idea，不過真正下一首歌會係Cute cute風格。」

AL開心可以表演跳唱，決定安排四位Dancer一齊演出。

Jer透露今次音樂會AL的跳舞環節好正：「因為冇冷氣，AL跳到身水身汗，仲有伴舞，大家一定不容錯過。 」他嚇得AL回應時帶晒頭盔：「講到我好勁咁，唔好俾佢嚇親，冇咁誇張。花姐（MIRROR經理人黃慧君）有問過我要唔要帶Dancer，我話要帶，因為難得有個騷畀我可以做跳唱，一定要做到最完整，所以就帶咗四個Dancer嚟。」AL又反提議大家留意Jer的演出：「Jer好少唱《風靈物語》，好有幸聽到佢唱Live。」

AL期望可盡快再推出個人跳唱歌。

ViuTV《調教你MIRROR》最近熱播，花姐大讚AL經梁祖堯調教後，開始敢於表達己見。問AL以往會否因不同標籤而感到自責或不開心？他說：「嘩！呢個問題好深奧，不過表達意見方面而家應該冇咁慢熱。」此外，今次音樂會將在7月10日於JOOX上架供VIP用戶重溫。

AL參加《調教你MIRROR》後改變不少。

MIRROR正忙於世界巡迴演唱會，但盧瀚霆Anson Lo仍抽空於出發前製作新歌《深閨》，並於早前完成英國站巡唱後，與團隊走到巴黎拍攝歌曲的MV，這正好配合這次甜到漏的歌詞。

《深閨》由徐浩作曲、監製，黃偉文填詞，是Anson Lo暫時最喜歡自己的一首慢歌。歌詞內容簡單直接地道出，當愛上一個人之後，可以為對方變成一個黐家的人，被對方獨佔，甚至放棄名利。Anson Lo坦言歌詞完全說中了他的心態，道：「歌詞其中一句：『拒絕再做凡間千人迷』，好Relate到自己，同埋佢令我思考到，如果有一日我真係拍拖，係咪要放下自己工作上嘅Anson Lo？係一首好Personal嘅慢歌，所以我喺錄音室唱嘅時候係有唱到喊。」

Anson Lo推出新歌《深閨》。

觀看相關影片按連結：https://youtu.be/70vVZqVsqeg?si=9RD6my9ItvtgApW3

Anson Lo又幻想，如果自己拍拖，都應該幾似Wyman所寫，會全神貫於對方身上，「因為我係巨蟹座，係一個Home Guy（住家男人），好鍾意留喺屋企，拍拖的話，放工都會即刻返屋企，然後喺屋企食飯睇戲，瞓覺攬埋一齊；假期都未必出街，兩口子一齊煮下嘢食飲杯咖啡，就已經好好。因為如果我鍾意一個人，都好想24小時黐住佢，做乜都OK。」對於Anson Lo來說，《深閨》所說的愛情觀與他本人很吻合，但他相信，歌詞同樣說中了大眾當情到濃時，對於愛情的執迷與痴迷，他相信大家聽到歌詞，一樣會身同感受。

Anson Lo自言是住家男人。

如果鍾意一個人會好想24小時黐住對方。

對於Anson Lo來說，《深閨》所說的愛情觀與他本人很吻合。

為了《深閨》，Anson Lo這次特別在巡唱出發前將歌曲錄好，然後趁完成英國站演出後，特地走到巴黎拍攝。揀選巴黎拍MV，全因這裡予人浪漫、Fashion又Cozy的感覺，而《深閨》裡的愛情同樣十分浪漫，又無拘無束，加上從倫敦到巴黎只需個多小時十分方便，所以絕對是不二之選，而整個拍攝過程中，Anson Lo最喜歡在巴黎鐵塔拍攝的場口，他說：「夜晚可以睇到巴黎鐵塔唔同嘅燈光閃法，好靚！同埋我哋拍攝嘅地方只係隔住一條河仔，可以好近咁望到巴黎鐵塔，又大好靚，又襯首歌，而家可以拍埋入《深閨》MV裡面，有剔咗Bucket List嘅感覺。」

Anson Lo揀選巴黎拍MV，全因這裡予人浪漫、Fashion又Cozy的感覺。

與《深閨》中的愛情同樣十分浪漫，又無拘無束。

被問到又要巡演又要拍MV，體力上可以應付得到，Anson Lo坦言：「每次都係同自己講，應付唔到都要應付，因為做完巡演，話唔攰都係講緊大話，但只要每次做嘅嘢，都係自己好期待嘅作品，攰就唔係咁大問題。」

雖然要巡演又要拍MV，會好，但Anson Lo坦言：「應付唔到都要應付。」

這次是Anson Lo首次踏足巴黎，所以除了拍MV以外，他亦有在當地遊覽，他分享道：「有周圍睇下名勝、景點，買咗少少嘢，又有探索下啲Café，坐低飲下嘢食下嘢，又或者喺條街行下。其實今次巡演又好，喺巴黎拍MV又好，最鍾意做嘅嘢唔係買嘢，而係喺條街度行，因為喺香港一落樓就上車去工作目的地，好少喺條街度行，我好想喺唔同國家嘅街上面行，感受下嗰個國家嘅Vibe係點樣，可以見到好多人唔同嘅面貌，做人處事方式，都會好好奇，齋行都好有趣好好玩。」

首次踏足巴黎的Anson Lo除了拍MV以外，亦有在當地遊覽。