大灑百萬為Anson Lo慶祝26歲生日 粉絲預告為偶像成立慈善基金

同賀盧瀚霆寶誕！

明天是MIRROR成員Anson Lo（盧瀚霆、AL）的26歲生日，一班「神徒」（AL粉絲稱呼）為了「7.7盧瀚霆寶誕」租下天星碼頭的巨型廣告牌供大家打卡，更在偶像專屬的排舞室舉行為期4日、名為「Stand By You」的展覽。連同巴士車身及車站燈箱廣告，神徒們豪花過百萬，財力雄厚！

AL天星碼頭巨型廣告牌好搶眼。

一班神徒出錢又出力。

神徒們影相留念。

負責人Annie預告，仍有一波Solo歌應援未推出，亦打算以AL名義成立慈善基金，集神徒之力回饋社會。粉絲Carmen與Bernice早年已跟AL學跳舞，兩人希望偶像有更多拍劇「入屋」的機會，笑言「愈忙愈好」。

現場有大大個AL牌。

現場有不少周邊產品售賣。

有神徒帶同AL公仔到場。

談到網上熱爆的「我老婆嫁咗畀MIRROR導致婚姻破裂關注組」，Annie及Carmen笑認老公是苦主，經常呷偶像醋。妹妹Fans同樣被MIRROR偷心，11歲的小粉絲Phoebe獲姨媽陪同追星，她豪花逾700元買紀念品，「部份係零用錢，其餘由『鏡粉』媽咪資助。」

11歲小粉絲Phoebe有姨媽陪同追星。

Phoebe花費超過700元買紀念品。

大小粉絲都咁愛AL，令老公同爹哋們好呷醋。

另一小粉絲、今年10歲的Winky亦用了700多元掃貨，她透露：「利是錢500蚊，餘額由媽咪埋單。」Winky又指唔會同爸爸追星：「爹哋經常自稱係Fans，想入Fans Club，又話想帶我睇展覽當親子活動，其實佢根本唔鍾意MIRROR，哈哈！我接受唔到同爹哋一齊追星囉，佢唱歌太難聽！」原來唔止婚姻破裂，連親子關係都有影響呀！

有神徒攬實AL人形紙牌。

展覽場地有做好消毒，確保到場粉絲放心。

AL粉絲舉行為期4日的展覽慶祝偶像26歲生日。

MIRROR正忙於世界巡迴演唱會，但盧瀚霆Anson Lo仍抽空於出發前製作新歌《深閨》，並於早前完成英國站巡唱後，與團隊走到巴黎拍攝歌曲的MV，這正好配合這次甜到漏的歌詞。

《深閨》由徐浩作曲、監製，黃偉文填詞，是Anson Lo暫時最喜歡自己的一首慢歌。歌詞內容簡單直接地道出，當愛上一個人之後，可以為對方變成一個黐家的人，被對方獨佔，甚至放棄名利。Anson Lo坦言歌詞完全說中了他的心態，道：「歌詞其中一句：『拒絕再做凡間千人迷』，好Relate到自己，同埋佢令我思考到，如果有一日我真係拍拖，係咪要放下自己工作上嘅Anson Lo？係一首好Personal嘅慢歌，所以我喺錄音室唱嘅時候係有唱到喊。」

Anson Lo推出新歌《深閨》。

觀看相關影片按連結：https://youtu.be/70vVZqVsqeg?si=9RD6my9ItvtgApW3

Anson Lo又幻想，如果自己拍拖，都應該幾似Wyman所寫，會全神貫於對方身上，「因為我係巨蟹座，係一個Home Guy（住家男人），好鍾意留喺屋企，拍拖的話，放工都會即刻返屋企，然後喺屋企食飯睇戲，瞓覺攬埋一齊；假期都未必出街，兩口子一齊煮下嘢食飲杯咖啡，就已經好好。因為如果我鍾意一個人，都好想24小時黐住佢，做乜都OK。」對於Anson Lo來說，《深閨》所說的愛情觀與他本人很吻合，但他相信，歌詞同樣說中了大眾當情到濃時，對於愛情的執迷與痴迷，他相信大家聽到歌詞，一樣會身同感受。

Anson Lo自言是住家男人。

如果鍾意一個人會好想24小時黐住對方。

對於Anson Lo來說，《深閨》所說的愛情觀與他本人很吻合。

為了《深閨》，Anson Lo這次特別在巡唱出發前將歌曲錄好，然後趁完成英國站演出後，特地走到巴黎拍攝。揀選巴黎拍MV，全因這裡予人浪漫、Fashion又Cozy的感覺，而《深閨》裡的愛情同樣十分浪漫，又無拘無束，加上從倫敦到巴黎只需個多小時十分方便，所以絕對是不二之選，而整個拍攝過程中，Anson Lo最喜歡在巴黎鐵塔拍攝的場口，他說：「夜晚可以睇到巴黎鐵塔唔同嘅燈光閃法，好靚！同埋我哋拍攝嘅地方只係隔住一條河仔，可以好近咁望到巴黎鐵塔，又大好靚，又襯首歌，而家可以拍埋入《深閨》MV裡面，有剔咗Bucket List嘅感覺。」

Anson Lo揀選巴黎拍MV，全因這裡予人浪漫、Fashion又Cozy的感覺。

與《深閨》中的愛情同樣十分浪漫，又無拘無束。

被問到又要巡演又要拍MV，體力上可以應付得到，Anson Lo坦言：「每次都係同自己講，應付唔到都要應付，因為做完巡演，話唔攰都係講緊大話，但只要每次做嘅嘢，都係自己好期待嘅作品，攰就唔係咁大問題。」

雖然要巡演又要拍MV，會好，但Anson Lo坦言：「應付唔到都要應付。」

這次是Anson Lo首次踏足巴黎，所以除了拍MV以外，他亦有在當地遊覽，他分享道：「有周圍睇下名勝、景點，買咗少少嘢，又有探索下啲Café，坐低飲下嘢食下嘢，又或者喺條街行下。其實今次巡演又好，喺巴黎拍MV又好，最鍾意做嘅嘢唔係買嘢，而係喺條街度行，因為喺香港一落樓就上車去工作目的地，好少喺條街度行，我好想喺唔同國家嘅街上面行，感受下嗰個國家嘅Vibe係點樣，可以見到好多人唔同嘅面貌，做人處事方式，都會好好奇，齋行都好有趣好好玩。」

首次踏足巴黎的Anson Lo除了拍MV以外，亦有在當地遊覽。